ಖ್ಯಾತ ಮಲಯಾಳಿ  ಲೇಖಕ ದಿ ಎಸ್ ಕೆ ಪೊಟ್ಟೆಕ್ಕಾಟ್ ಅವರ ಬಗ್ಗೆ ಹಿಂದೆ ಬರೆದಿದ್ದೆ . ಅವರ ಮ್ಯಾಗ್ನಮ್ ಓಪಸ್ ಎನ್ನ ಬಹುದಾದ ಒರು ದೇಶತ್ತಿನಂದೆ ಕಥಾ ಮಿತ್ರರಾದ ಡಾ ಅಶೋಕ್ ಕುಮಾರ್ ಮತ್ತು ದಿ ಕೆ ಕೆ ನಾಯರ್ ಒಂದು ಊರಿನ ಕತೆ ಎಂದು ಅನುವಾದಿಸಿದ್ದರು . ಇಂಗ್ಲಿಷ್ ನಲ್ಲಿ ಟೇಲ್ಸ್ ಒಫ್ ಅತಿರಾನಿಪಾದಮ್ ಎಂಬ ಶೀರ್ಷಿಕೆಯಲ್ಲಿ  ಚೆನ್ನಾಗಿ ಬಂದಿದೆ .ದುರದೃಷ್ಟ ವಶಾತ್ ಇವುಗಳ ಪ್ರತಿಗಳು ಈಗ ಲಭ್ಯವಿಲ್ಲ . ಅವರ ಪ್ರಸಿದ್ಧ ಪ್ರವಾಸ ಕಥನಗಳು ಅನುವಾದ ಗೊಳ್ಳ  ಬೇಕಾಗಿದೆ . 

ಹೀಗೆ ಜಾಲಾಡುತ್ತಿರುವಾಗ ಕಲ್ಲಿಕೋಟೆ ಲಿಪಿ ಪ್ರಕಾಶನದವರು ಡಾ ಪಿ ಪರಮೇಶ್ವರನ್ ಅವರು ಅನುವಾದಿಸಿದ ಸಣ್ಣ ಕತೆಗಳ ಸಂಕಲನ ನೈಟ್ ಕ್ವೀನ್ (ರಾತ್ರಿ ರಾಣಿ )ಅಂಡ್ ಅದರ್ ಸ್ಟೋರೀಸ್ ಎಂಬ ಕೃತಿ ಲಭ್ಯವಿದೆ ಎಂದು ತಿಳಿದು ತರಿಸಿ ಓದಿ ಸಂತೋಷ ಪಟ್ಟಿದ್ದೇನೆ ..ಇಲ್ಲಿಯ ಕತೆಗಳು ಕೇರಳ ,ಕಾಶ್ಮೀರ ,ಸ್ವಿಜರ್ ಲ್ಯಾಂಡ್ ,ಉಗಾಂಡಾ ,ರೊಡೇಷಿಯಾ ಮತ್ತು ಝೆಕೋ ಸ್ಲಾವಾಕಿಯ ಇತ್ಯಾದಿ ದೇಶಗಳ ಹಿನ್ನಲೆಯಲ್ಲಿ ಇವೆ . ಅವರ ಪ್ರವಾಸ ಅನುಭವ ಎದ್ದು ಕಾಣುತ್ತದೆ .ಒಂದು ರೀತಿಯಲ್ಲಿ ಮಾಸ್ತಿ ಯವರ ನಿರೂಪಣೆ ಹೋಲುತ್ತವೆ . ಒಂದೇ ವ್ಯತ್ಯಾಸ ಮಾಸ್ತಿಯವರು ಶೃಂಗಾರ ವರ್ಣನೆಯಲ್ಲಿ ಸ್ವಲ್ಪ ಮಡಿ ತೋರಿದರೆ ಇವರ ಬರವಣಿಗೆಯಲ್ಲಿ ಅಲ್ಲೂ ಸಹಜತೆ ಎದ್ದು ಕಾಣುತ್ತದೆ . ಒಟ್ಟಿನಲ್ಲಿ ಬಹಳ ದಿನಗಳ ನಂತರ ಒಂದು ಒಳ್ಳೆಯ ಕಥಾ ಸಂಕಲನ ಓದಿ ಸಂತೋಷ ಪಟ್ಟೆ