ಒಕ್ಕಲಿಗನ ದುಃಖ
ಕಾಲೇಸೋ ಮಾಲ್ಪುನೆ ಕಾಲೋಟು ಯಾನೆಂಚ
ಸಾಲೋಟು ಮುರ್ಕ್ಕ್ಯೆ ಅತ್ತೋ ?
ಬಾಲೆಲು ದಾನೊಂಜಿ ಬೇಲೆನು ಮಾಳ್ಪ೦ತೆ
ಸೊಲ್ಪಾತು ಪಾಡ್ಯೇ ರತ್ತೋ
ತಿರ್ಗುಪೆ ಎಂಕ್ಲೆನ ಕೊರಗುನ ಜಂಬಾರೋ
ನರ್ಗುಪೆ ದೂಮೆ ಓರಿ
ಒರ್ಗುಜ್ಜಿ ಕಜ್ಜಿ ಒಂಜಿ ಗರ್ಗಾಯಿ ರಾಮಾಗು
ಮಾರ್ಗಾಯಿ ಮಾಲ್ಪುನೆ ಸರಿ .
ಬೊಲ್ಪುಗು ಬೂರುನ ಕೊಲ್ಪುಡು ಈ ತನೆಟ
ಬಲ್ಪುವಲಾಳು ಪಾಪೋ
ಆಳ್ವೊರ್ತಿಎರುಲೆನ್ ತಳಿಪ್ಪುಲೆ ಪ೦ಡುಂಟ
ಮಾಲ್ಪುವೆರೆನಡ ಕೋಪೋ .
ಮರ್ಮಾಲ್ ಇತ್ನಾಳ್ ಎರ್ಮೆತ ಲೆಕ್ಕಾಲ್
ಧರ್ಮದ ಉನ್ಪು ತಿನುಪ್ಪುನೆ ..
ನಿರ್ಮಲ ದಾಲ ಇದ್ದಿ ಒರ್ಮೆಲ ಕುರ್ತೇಲ್
ಕರ್ಮೋನು ದಾನೆ ಪನ್ಪುನೇ .
ಇರ್ಲಾನಿ ಬತ್ತುನ ಮರ್ಲುದ ಬೊಳ್ಳ ಗು
ಪೊರ್ಲುತ ಏಣಿಲ್ಡ ಕೆಯ್ಯಿ
ಕುರಳಿದ್ದಿ ಪೊಂಡೈನ ಪೊರ್ಲುನು ಲೆಜಿಪ್ನಗ
ಕರ್ಲ್ ತುಂಡಾಪುನ್ನೇ ಸೈ .
ಪುಂಡಿ ಬಿತ್ ಪಾಡ್ ನೇ ದಂಡಾನ್ದು ಸುಗ್ಗಿಡು
ಕಂಡೆ ಕಟ್ಟುದು ಪರ್ದಿ
ಕೊಂಡೊತ್ತಿ ಸಾಲೋನು ಕೊರಿಯಾರ ಸಾದಿಜ್ಜಿ
ಉಂಡುತು ಬದುಕಿಯರಿಜ್ಜಿ .
ಬುಕ್ಕ ಆಂಡು ಕೊಳಕ್ಕೇನ ಕೈದಾಲ
ಬರ್ಕತ್ ಇದ್ದಿ ಬುಕ್ಕೊ
ಒಕ್ಕುಂಡ ನೀರ್ ದಾಲ ತಿಕ್ಕುಜ್ಜಿ ಗುವೇಲುಡು
ಒಕ್ಕೆಲು ಲಕ್ಕಿ ಲೆಕ್ಕೋ
ಮೆದು ಕ್ಯಾರ ಸೀರ್ ಜಾಣ್ಡಲ ಕದಿಕ್ಕೆ ತಿಮಾರುಟು
ಕೊದಿ ಕ್ಕೇನ್ ತೌತ್ತೆ ಮಾಲ್ತೆ
ಮದಕ್ಕಾರಿ ಪತ್ಯಾರ ಕುದುಕ್ಕೇರ್ ದೀಡುಜ್ಯೋ
ಬದುಕ್ಯಾರ ಬಲ್ಲಿ ಸೋಲ್ ತೇ
ಬೋರ್ಲು ರಡ್ದು ಇತ್ ನೆಟ್ ಬೂರುಡ್ದು ಬರೆಡ್ ದು
ಕಾರೊಂಜಿ ಪೊಲಿತ್ ಪೋಂಡು
ಕಾರಿನ್ ತ್ಯಾಂಪ ನ ತಾರಿತ ಮುದೆಲುಡು
ಭಾರಿ ಒಂಜಿ ಪಿಲಿ ಪತ್ತುಂಡ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ