ಡಿ ಡಿ ಮಲಯಾಳಂ ನಲ್ಲಿ ಮುಂಜಾನೆ ೫ ರಿಂದ ಆರು ಗಂಟೆಯ ವರೆಗೆ ಗುರುವಾಯೂರು ವಿನಲ್ಲಿ ಹಿಂದೆ ನಡೆದ ಚೆಂಬೈ ಸಂಗೀತೋತ್ಸವದಿಂದ ಆಯ್ದ ಭಾಗಗಳನ್ನು ಪ್ರಸಾರ ಮಾಡುತ್ತಾರೆ .ಮೊನ್ನೆ ಕಲಾವಿದೆ ಅಣ್ಣಮಾಚಾರ್ಯ ಅವರ ಗರುಡ ಗಮನ ಗರುಡ ಧ್ವಜ ಕೀರ್ತನೆ ಹಾಡುತ್ತಿದ್ದರು . ಹೆಚ್ಚಾಗಿ ಪಲ್ಲವಿ ಹಾಡುವಾಗ ಗರುಡಾ ಧ್ವಜ ಎಂಬಲ್ಲಿನ ಸಂಗತಿ ತುಂಬಾ ಹಿಡಿಸುತ್ತದೆ . ಹಿಂದೋಳ ರಾಗ ಕಿವಿಗಳಿಗೆ ಇಂಪು . ಇದರ ಪೂರ್ಣ ಸಾಹಿತ್ಯ ಈ ರೀತಿ ಇದೆ .ನಮ್ಮ ಪುರಾಣಪುರುಷರಿಗೆ ಹಲವು ಅನ್ವರ್ಥ ನಾಮಾಗಳು ಇವೆ . ಇವುಗಳ ಸಂಕಲನವೇ ಹಲವು ಕೀರ್ತನೆ ಗಳಾಗಿ ಮಾರ್ಪಟ್ಟಿವೆ.
ಗರುಡ ಗಮನ ಗರುಡಧ್ವಜ
ನರಹರಿ ನಮೋನಮೋ ನಮೋ ॥
ಕಮಲಾಪತಿ ಕಮಲನಾಭಾ
ಕಮಲಜ ಜನ್ಮಕಾರಣಿಕ ।
ಕಮಲನಯನ ಕಮಲಾಪ್ತಕುಲ
ನಮೋನಮೋ ಹರಿ ನಮೋ ನಮೋ ॥
ಜಲಧಿ ಬಂಧನ ಜಲಧಿಶಯನ
ಜಲನಿಧಿ ಮಧ್ಯ ಜಂತುಕಲ ।
ಜಲಧಿಜಾಮಾತ ಜಲಧಿಗಂಭೀರ
ಹಲಧರ ನಮೋ ಹರಿ ನಮೋ ॥
ಘನದಿವ್ಯರೂಪ ಘನಮಹಿಮಾಂಕ
ಘನಘನಾ ಘನಕಾಯ ವರ್ಣ ।
ಅನಘ ಶ್ರೀವೇಂಕಟಾಧಿಪತೇಹಂ
ನಮೋ ನಮೋಹರಿ ನಮೋ ನಮೋ ॥
ಇದೇ ಕೀರ್ತನೆ ಖ್ಯಾತ ಸಂಗೀತ ಕಲಾವಿದ ಶ್ರೀವಲ್ಸನ್ ಮೆನೋನ್ ಅವರ ಧ್ವನಿಯಲ್ಲಿ ಕೇಳಲು ಕೆಳಗಿನ ಲಿಂಕ್ ಬಳಸಿರಿ . ಶ್ರೀವಲ್ಸ ಮೇನೋನ್ ಕೇರಳ ಕೃಷಿ ವಿಶ್ವ ವಿದ್ಯಾಲಯದಲ್ಲಿ ಪ್ರಾಧ್ಯಾಪಕರು . ಖ್ಯಾತ ಸಂಗೀತಗಾರ ದಿ ನೆಯ್ಯಾತ್ತಿಂಕರ ವಾಸುದೇವನ್ ಅವರ ಶಿಷ್ಯರು .
https://youtu.be/dvMAy2TaiFo
ಈ ರಾಗದಲ್ಲಿ ಒಂದು ಜನಪ್ರಿಯ ಮಲಯಾಳಂ ಚಿತ್ರಗೀತೆ ಇದೆ. ನಿರ್ದೇಶಕ ರವೀಂದ್ರನ್ ಮಾಸ್ಟೆರ್ ಅಳವಡಿಸಿದ್ದು ಜಿ ವೇಣುಗೋಪಾಲ್ ಹಾಡಿದ್ದಾರೆ .
https://youtu.be/dvMAy2TaiFo
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ