ನೂತನ ಸಕ್ಕರೆ ಕಾಯಿಲೆ ಔಷಧಿ ಗ್ಲಿಪ್ಲೋಜಿನ್

 ನೂತನ  ಸಕ್ಕರೆ ಕಾಯಿಲೆ ಔಷಧಿ  ಗ್ಲಿಪ್ಲೋಜಿನ್ 

ಸಕ್ಕರೆ ಕಾಯಿಲೆಯಿಂದ ಬಳಲುವವರ ಸಂಖ್ಯೆ ದಿನೇ ದಿನೇ  ಹೆಚ್ಚುತ್ತಿದೆ ಮತ್ತು  ಸಣ್ಣ ವಯಸ್ಸಿನಲ್ಲಿಯೇ  ಇದು ಆರಂಭವಾಗುತ್ತಿದೆ . ಸಕ್ಕರೆ ಕಾಯಿಲೆಯವರ ಲ್ಲಿ ಎರಡು ಮುಖ್ಯ ಕರ್ಣಾತ್ಮಕ ಅಂಶಗಳು .ಒಂದು ಇನ್ಸುಲಿನ್ ಉತ್ಪಾದನೆಯ ಕೊರತೆ ಮತ್ತು ಇನ್ನೊಂದು ಜೀವಕೋಶಗಳು ಇನ್ಸುಲಿನ್ ಪ್ರತಿರೋಧ ಹೊಂದುವದು . 

     ಮೂತ್ರಪಿಂಡಗಳು  ಗ್ಲುಕೋಸ್ ಪ್ರಮಾಣ ನಿಯಂತ್ರಣದಲ್ಲಿ ಮುಖ್ಯ  ಪಾತ್ರ ವಹಿಸುತ್ತವೆ .  ಕಿಡ್ನಿಯ ರಕ್ತ ನಾಳಗಳಿಂದ ಮೂತ್ರ ನಳಿಕೆಗೆ  ನೀರು ಮತ್ತು ವಿಸರ್ಜನಾ ವಸ್ತುಗಳ ಸ್ರಾವ ಆಗುವುದು . ಅದರೊಂದಿಗೆ ಲವಣಗಳು ಮತ್ತು ಗ್ಲೋಕೋಸ್ ಕೂಡಾ ಇರುವುದು . ಆದರೆ  ಶರೀರಕ್ಕೆ ಅವಶ್ಯವಿರುವ  ಅಂಶಗಳನ್ನು ಕಿಡ್ನಿ ಪುನಃ ಹೀರಿಕೊಳ್ಳುವುದು . ರಕ್ತದಲ್ಲಿ ಒಂದು ಮಿಲಿ ಲೀಟರ್ ಗೆ ೧೮೦ ಮಿಲಿಗ್ರಾಮ್ ಗಿಂತ ಜಾಸ್ತಿ  ಗ್ಲುಕೋಸ್ ಇದ್ದರೆ  ಅದು ಮೂತ್ರದಲ್ಲಿ ವಿಸರ್ಜನೆ ಆಗುವುದು . 

ಇದುವರೆಗೆ ಲಭ್ಯವಿದ್ದ  ಔಷಧಿಗಳು  ಮೇದೋಜೀರಕ ಗ್ರಂಥಿಯಿಂದ  ಇನ್ಸುಲಿನ್ ಹೆಚ್ಚು ಉತ್ಪಾದಿಸುವಂತೆ ಪ್ರಚೋದಿಸುವವು .,ಯಕೃತ್ ಗ್ಲುಕೋಸ್ ಉತ್ಪಾದಿಸಿ ರಕ್ತಕ್ಕೆ ಬಿಡದಂತೆ ಮಾಡುವವು ,ನೈಸರ್ಗಿಕವಾಗಿ ಉತ್ಪತ್ತಿಯಾದ  ಇನ್ಸುಲಿನ್ ನ ಅಯುಷ್ಸು ಹೆಚ್ಚಿಸುವವು , ಜೀವಕೋಶಗಳನ್ನು ಇನ್ಸುಲಿನ್ ಗೆ ಸ್ಪಂದಿಸುವಂತೆ ಮಾಡುವವು ಮತ್ತು  ಕರುಳಿನಿಂದ ಸಕ್ಕರೆ ರಕ್ತಕ್ಕೆ ಸೇರುವುದನ್ನು ನಿಧಾನಿಸುವವು ..  ಇದು ಯಾವುದೂ ಸಂಪೂರ್ಣ ಪರಿಣಾಮ ಕಾರಿ ಆಗದಿದ್ದರೆ ಮತ್ತು ಇವುಗಳ ಉಪಯೋಗ ಬೇರೆ ಕಾರಣಕ್ಕೆ (ಉದಾ ಗರ್ಭಿಣಿಯರು )ನಿರೋಧಿಸಿದ್ದರೆ  ಇನ್ಸುಲಿನ್ ಮತ್ತು ಇನ್ಸುಲಿನಂತಹ  ವಸ್ತುಗಳನ್ನು ಕೊಡುವರು . 

ಇತ್ತೀಚಿಗೆ  ಮೂತ್ರಪಿಂಡಗಳಿಂದ  ಅಧಿಕ ಪ್ರಮಾಣದಲ್ಲಿ ಸಕ್ಕರೆ (ಗ್ಲುಕೋಸ್ )ಯನ್ನು ಮೂತ್ರದ ಮೂಲಕ ವಿಸರ್ಜಿಸಿ ರಕ್ತದಲ್ಲಿ ಗ್ಲುಕೋಸ್ ಪ್ರಮಾಣವನ್ನು ಕಡಿಮೆ ಮಾಡುವ ಔಷಧಿಗಳು ಬಂದಿವೆ . ಅವುಗಳನ್ನು ಗ್ಲಿಫ್ಲೋಝಿನ್ ಗಳು ಎಂದು ಕರೆಯುವರು . ಅವುಗಳು ಸುರಕ್ಷಿತ ಮತ್ತು ಹೃದ್ರೋಗದಲ್ಲಿಯೂ ಸಹಾಯಕಾರಿ ಎಂದು ಕಂಡು ಬಂದಿದೆ .ಹೊಸತಾಗಿ ಬಂದಿರುವ ಕಾರಣ  ಬೆಲೆ ಸ್ವಲ್ಪ ಜಾಸ್ತಿ ಇದೆ .ಕ್ರಮೇಣ ಕಡಿಮೆ ಆಗ ಬಹುದು