ವೈದ್ಯಕೀಯ ವಿದ್ಯಾರ್ಥಿ ಆಗಿದ್ದಾಗ ಒಂದು ಮಿತ್ರ ವಿವೇಕ್ ಜತೆ ತಿಂಗಳು ಹಾಸ್ಟೆಲ್ ಪ್ರಿಫೆಕ್ಟ್ ಆಗಿದ್ದೆ . ನಿರ್ಗಮನಿಸುವ ಪ್ರಿಫೆಕ್ಟ್ ಅಡಿಗೆ ಮನೆಯ ಉಗ್ರಾಣದಲ್ಲಿ ಉಳಿದ ಜೀನಸು ವಸ್ತುಗಳ ಚಾರ್ಜ್ ಅವುಗಳ ಬೆಲೆ ನಮೂದಿಸಿ ಹಸ್ತಾಂತರ ಮಾಡುವರು . ವಸ್ತುಗಳನ್ನು ಪರಿಶೀಲಿಸಿದಾಗ ಒಂದು ಗೋಣಿ ಅಕ್ಕಿ ,ಹಳೇ ಮಾಲು ,ಗುಗ್ಗುರು ಹುಳಗಳ ಸಮೇತ ಇದ್ದು ಇದೇನು ?ಎಂದು ವಿಚಾರಿಸಲು ಇದು ಹೀಗೇ 'ಎರಡು ವರ್ಷದಿಂದ ಕೈ ಬದಲುತ್ತಾ ಬಂದಿದೆ ,ಅಡಿಗೆಗೆ ಉಪಯೋಗಿಸಲು ಆಗದು ;ನೀವು ಕೂಡಾ ಹ್ಯಾಂಡ್ ಓವರ್ ಮಾಡುವಾಗ ಸೇರಿಸಿ ಕೊಟ್ಟರೆ ಆಯಿತು 'ಎಂದರು . ನನಗೆ ಸಖೇದಾಶ್ಚರ್ಯ ಆಯಿತಾದರೂ ಅವರ ಸಲಹೆಯಂತೆ ನಡೆದು ಕೊಂಡೆ .
ಮುಂದೆ ನಾನು ರೈಲ್ವೆ ವೈದ್ಯಕೀಯ ಸೇವೆಗೆ ಸೇರಿ ಬೇರೆ ಬೇರೆ ಸ್ಥಳ ಗಳಲ್ಲಿ ಚಾರ್ಜ್ ತೆಗೆದು ಕೊಳ್ಳುವಾಗ ಇದೇ ಚಾಳಿ ಕಂಡು ಬಂದಿತು . ಮುರಿದ ಕುರ್ಚಿ ,ಒಡೆದ ಪ್ರಯೋಗ ಸಾಧನಗಳು ಇತ್ಯಾದಿ ಒಬ್ಬರ ತರುವಾಯ ಒಬ್ಬರು ಚಾರ್ಜ್ ತೆಗೆದು ಕೊಂಡು ಮುಂದೆ ಇನ್ನೊಬ್ಬರಿಗೆ ಕೊಟ್ಟು ಹೋಗುವರು . ಅವುಗಳು ಎಲ್ಲಾ ಟೂಲ್ಸ್ ಅಂಡ್ ಪ್ಲಾಂಟ್ಸ್ ರಿಜಿಸ್ಟರ್ ನಲ್ಲಿ ಇರುವ ಕಾರಣ ನಾವಾಗಿ ಅವನ್ನು ವಿಲೇವಾರಿ ಮಾಡುವಂತೆ ಇಲ್ಲ .ಮೇಲಧಿಕಾರಿಗಳು ಇನ್ಸ್ಪೆಕ್ಷನ್ ಗೆ ಬಂದಾಗ ಅವುಗಳನ್ನು ಕಂಡೆಮ್ ಮಾಡಿಸಿ ,ನಂತರ ಹೊಸದಕ್ಕೆ ಇಂಡೆಂಟ್ ಮಾಡ ಬಹುದು . ಕಂಡೆಮ್ ರಿಜಿಸ್ಟರ್ ಇಟ್ಟು ಕೊಳ್ಳ ಬೇಕು . ಅಡಿಟ್ ಗೆ ಬಂದವರು ಅದನ್ನು ಪರಿಶೀಲಿಸುವರು .ಇದೆಲ್ಲಾ ರಗಳೆ ಬೇಡ ಎಂದು ಈ ಅನುಪಯುಕ್ತ ವಸ್ತುಗಳನ್ನು ಹಾಗೇ ಇಟ್ಟುಕೊಂಡು ಮುಂದಿನವರಿಗೆ ಹಸ್ತಾಂತರಿಸಿ ಹೋಗುತ್ತಿದ್ದವರೇ ಹೆಚ್ಚು
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ