ನನ್ನ ಸಹಪಾಠಿ ಮಿತ್ರ ಶಿರಂಕಲ್ಲು ಶಿವರಾಮ ಭಟ್ ನಿನ್ನೆ ಕಾಡು ಜೇನು ಹುಳ ಕಡಿತದಿಂದ ಬಾಧಿತ ರಾಗಿ ಬಂದಿದ್ದರು .
ಜೇನು ಹುಳಗಳು ಕಡು ಬಣ್ಣ (ಕಪ್ಪು ,ಕೆಂಪು )ದ್ವೇಷಿಗಳು . ಅರಿವಿಲ್ಲದೆ ಅವರ ಸುದ್ದಿಗೆ ಹೋದರೂ ,ತಿಳಿಯದೇ ಮಾಡಿದ ಪಾಪ ಎಂದು ಅವು ಬಿಡವು . ಅಟ್ಟಿಸಿ ಕೊಂಡು ಬಂದು ಕಚ್ಚ್ಚುವವು . ಜೇನ್ ನೊಣಗಳಿಗೆ ಪ್ರತಿ ಧಾಳಿ ಮಾಡಲು ಹೋಗ ಬಾರದು . ಕಾಲಿಗೆ ಬುದ್ದಿ ಹೇಳುವುದು ಜಾಣ ತನ .ಓಡಿ ಹೋಗಿ ಕೋಣೆಯೊಳಗೋ ,ಕಾರಿನ ಒಳಗೋ ರಕ್ಷಣೆ ಪಡೆಯ ಬೇಕು . ಗೋಣಿಯೋ ,ದಪ್ಪ ಬಟ್ಟೆಯೋ ಇದ್ದರೆ ಕಣ್ಣು ಮಾತ್ರ ಬಿಟ್ಟು ಮುಖ ಸಾಧ್ಯ ವಾದಷ್ಟು ದೇಹ ಮುಚ್ಚಿ ಕೊಳ್ಳ ಬೇಕು . ನೀರಿಗೆ ಹಾರಿ ಮುಳುಗುವುದು ಕ್ಷೇಮ ಅಲ್ಲ .ಅವು ನೀರಿನ ಮೇಲೆ ಹಲವೊಮ್ಮೆ ಕಾಯುತ್ತ ಇರುವವು .
ಜೇನು ನೊಣದ ಮುಳ್ಳುಗಳನ್ನು ಸಾಧ್ಯ ವಾದಷ್ಟು ತೆಗೆದು ಕೊಳ್ಳ ಬೇಕು . (ಪಾಶ್ಚಾತ್ಯ ಮಾಧ್ಯಮಗಳು ಇದಕ್ಕಾಗಿ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ನ ಬದಿ ಉಪಯೋಗಿಸಿ ಎಂದು ಸಲಹೆ ಮಾಡುವರು .)ನೋವು ಶಮನಕ್ಕೆ ಬಟ್ಟೆಯೊಗೆ ಐಸ್ ಸುತ್ತಿ ಇಡಬಹುದು . ಅಡಿಗೆ ಸೋಡಾ ಕರಡಿಸಿ ಹಚ್ಚಿದರೆ ಉರಿ ಕಡಿಮೆ ಆಗುವುದು ಎನ್ನುವರು .
ಇದರಲ್ಲಿ ಪ್ರಾಣಾಪಾಯ ಆಗುವುದು ಜೇನ್ ನೊಣದ ವಿಷಕ್ಕೆ ಅಲ್ಲರ್ಜಿ ರಿಯಾಕ್ಷನ್ ಆಗಿ.ಇವರಲ್ಲಿ ಮೈಯೆಲ್ಲಾ ತುರಿಕೆ ರಾಷ್ ,ದಮ್ಮು ಕಟ್ಟುವುದು ,ರಕ್ತದ ಒತ್ತಡ ಕುಸಿತ ಆಗುವುದು .ಅದಕ್ಕೆ ವೈದ್ಯರು ಜೀವ ಉಳಿಸುವ ಅಡ್ರೆನಲಿನ್ ಇಂಜೆಕ್ಷನ್ ಕೊಡುವರು .ಸಣ್ಣ ಅಲರ್ಜಿ ಗೆ ಆಂಟಿ ಹಿಸ್ಟಾಮಿನಿಕ್ಸ್ ,ಸ್ಟ್ರೆರೋಯಿಡ್ ಸಾಕು .ನೋವಿಗೆ ಇಬು ಪ್ರೊಫೆನ್ ,ಡೈಕ್ಲೋ ಫೆನಾಕ್ ನಂತ ವೇದನಾ ಹಾರಕ ಕೊಡುವರು .
ಬಾಲಂಗೋಚಿ : ಕನ್ನಡದಲ್ಲಿ ಜೇನು ನೊಣ ,ಚೇಳು ಕಡಿತ ಎನ್ನುವರಾದರೂ ಇಂಗ್ಲಿಷ್ ನಲ್ಲಿ ಅದನ್ನು ಬೈಟ್ ಎನ್ನದೆ ಸ್ಟಿಂಗ್ ಎನ್ನುವರು
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ