ಹೃದಯಾಘಾತ -3

  ಹೃದಯಾಘಾತ 3

ಕೆಲವು ಪ್ರಶ್ನೆಗಳು 

ಎದೆ ನೋವಿಗೆ ಬೇರೆ ಕಾರಣಗಳು 

 ಅನ್ನನಾಳದ ಉರಿ .ಜಠರದಲ್ಲಿ ಇರುವ ಆಮ್ಲ ಅನ್ನನಾಳಕ್ಕೆ  ಬಂದರೆ ಉರಿ ನೋವು 

ಬರುವುದು .

ಶ್ವಾಶಕೋಶ ದಲ್ಲಿನ  ಸೋಂಕು ,ಗಡ್ಡೆಗಳು ಎದೆನೋವಿಗೆ ಕಾರಣ ಇರ ಬಹುದು .

ಕೆಲವೊಮ್ಮೆ ಶ್ವಾಸಕೋಶ ತೂತು ಬಿದ್ದು ಎದೆಯೊಳಗೆ ಗಾಳಿ ತುಂಬಿ ಎದೆನೋವು 

ಮತ್ತು ದಮ್ಮು ಉಂಟಾಗಬಹುದು .ಇದನ್ನು ನ್ಯುಮೋ ಥೊರಕ್ಷ್  ಎನ್ನುವರು .

ಎದೆಯ ಪಕ್ಕೆಲುಬು ಮತ್ತು ಮುಂದೆಲುಬಿನ ನಡುವಿನ ಗಂಟಿನ ವಾತ 

 ಎದೆನೋವಿನ ಸಾಮಾನ್ಯ ಕಾರಣ .ನಮ್ಮ ಉಸಿರು ಇರುವ ತನಕ  ಈ 

ಗಂಟುಗಳಿಗೆ ವಿಶ್ರಾಂತಿ ಇಲ್ಲದಿರುವುದರಿಂದ  ಇಲ್ಲಿ ಬಂದ ನೋವು ಬೇಗನೆ 

ಕಡಿಮೆಯಾಗದು .ಆದರೂ ಇದು ದೊಡ್ಡ ವಾತ ವೇನಲ್ಲ .

ಎದೆಯ ಚರ್ಮ ದಲ್ಲಿ  ನರ ಕೋಟಲೆ (ಸರ್ಪ ಸುತ್ತು ) ಬಂದರೆ ನೋವು ಇರುವುದು .

ಕೆಲವೊಮ್ಮೆ ಮನಸಿನ ಉದ್ವೇಗವು ಸುಮ್ಮನೇ ಎದೆನೋವಿನ  ರೂಪದಲ್ಲಿ 

ಕಾಣಿಸಿ ಕೊಳ್ಳುವುದು.

ಇ ಸಿ ಜಿ ಸರಿ ಇದ್ದರೆ ಹೃದಯಾಘಾತ ಆಗಿಲ್ಲ ಎಂದು ಹೇಳ ಬಹುದೇ ?

ಇಲ್ಲ .ಇ ಸಿ ಜಿ ಸರಿ ಇದ್ದು  ಹೃದಯಾಘಾತ ದ ಲಕ್ಷಣ ಇದ್ದರೆ ಇ ಸಿ ಜಿ  ಪುನಃ

ಮಾಡುವರು .ಅಲ್ಲದೆ ರಕ್ತ ಪರೀಕ್ಷೆಗೆ ಒಳಪಡಿಸುವರು.

ಹೃದಯಾಘಾತ  ಮುಂದೆ ಬರುವದೋ ಎಂದು ಕಂಡು ಹಿಡಿಯಲು 

ಆರೋಗ್ಯವಂತರಿಗೆ  ಇ ಸಿ ಜಿ ಮಾಡುವುದರಿಂದ ಹೆಚ್ಚ್ಚಿನ ಪ್ರಯೋಜನ ಇಲ್ಲ .


ಹೃದಯದ  ವೈಫಲ್ಯ (ಹಾರ್ಟ್ ಫೈಲ್ಲ್ಯುರ್ ) ಮತ್ತು  ಹೃದಯಾಘಾತ( ಹಾರ್ಟ್ 

ಅಟಾಕ್) ಕ್ಕೆ ಇರುವ ವ್ಯತ್ಯಾಸ ?

 ಹೃದಯದ ವೈಫಲ್ಯ  ಹೃದಯದ ಕವಾಟ ಗಳ ತೊಂದರೆ , ಕಾರೋನರಿ ರಕ್ತ 

ನಾಳಗಳ ತಡೆ , ವರ್ಶಾಂತರ ಗಳ  ದಮ್ಮಿನ ಕಾಯಿಲೆ ,ತೀವ್ರ ರಕ್ತ  ಹೀನತೆ 

ಇತ್ಯಾದಿ ಕಾಯಿಲೆಗಳಿಂದ ಬರ ಬಹುದು .ಹೃದಯಾಘಾತವೂ ಒಂದು ಕಾರಣ .

ಎಲ್ಲರೂ ಕೊಲೆಸ್ಟರಾಲ್  ಔಷಧಿ ಸೇವಿಸಿದರೆ ಒಳ್ಳೆಯದಲ್ಲವೇ ?

ಅಲ್ಲ ,ಅದಕ್ಕೆ ನಿರ್ಧಿಷ್ಟ ವೈಜ್ಞಾನಿಕ ಮಾನ ದಂಡಗಳಿವೆ. ಈ ಔಷ ಧಿಗಳಿಗೂ ಅಡ್ಡ 

ಪರಿಣಾಮ ಗಳಿವೆ .

ಯಾವ ಎಣ್ಣೆ ಒಳ್ಳೆಯದು ?ತೆಂಗಿನ ಎಣ್ಣೆ ಒಳ್ಳೆಯದೋ ಸೂರ್ಯಕಾಂತಿ ಎಣ್ಣೆ 

 

ಒಳ್ಳೆಯದೋ ?ಬೀchi ಯವರಲ್ಲಿ ಉದ್ದ ಜಡೆಯವಳನ್ನು ಮದುವೆ  ಆಗುವುದು

 

 ಒಳ್ಳೆಯದೋ ಮೋಟು ಜಡೆಯವಳನ್ನು ಮದುವೆ ಆಗುವುದು ಒಳ್ಳೆಯದೋ ಎಂದು 

 

ಕೇಳಿದ್ದಕ್ಕೆ ಮಾಡುವೆ ಆಗುವುದು ಒಳ್ಳೆಯದು ಎಂದು ನಿನಗೆ ಯಾರು ಹೇಳಿದರು 

 

 ?ಎಂದು ಮರು ಪ್ರಶ್ನೆ ಹಾಕಿದರಂತೆ .ಆದುದರಿಂದ ಎಣ್ಣೆ ಉಪಯೋಗ ಹಿತ ಮಿತ 

 

ಇರಲಿ .ರೈಸ್ ಬ್ರಾನ್  ಎಣ್ಣೆ ,ನೆಲಕಡಲೆ ಎಣ್ಣೆ ಪರವಾಗಿಲ್ಲ(ಆಲಿವ್ ಎಣ್ಣೆ ಅತ್ಯುತ್ತಮ 

 

,ಆದರೆ ಬಹಳ ತುಟ್ಟಿ .ತೆಂಗಿನ ಎಣ್ಣೆಯ ಬಗ್ಗೆ ಕೆಳಗೆಕೊಟ್ಟ ಲಿಂಕ್ ಓದಿರಿ . 

 https://www.ahajournals.org/doi/10.1161/CIRCULATIONAHA.119.043052

ಹಣ್ಣು ಹಸಿ ತರಕಾರಿ ಒಳ್ಳೆಯದು ,ಧೂಮ ಪಾನ ಪೂರ್ಣ ನಿಷಿದ್ಧ

ಹೃದಯಾಘಾತ -೨

ಹೃದಯಾಘಾತಕ್ಕೆ  ಮುನ್ನುಡಿ ಹೂಡುವ  ಅಂಶಗಳು ಯಾವುವು?

ಬದಲಾಯಿಸಲು ಸಾಧ್ಯವಿಲ್ಲದ  ಅಂಶಗಳು 

೧ .ಕುಟುಂಬದಲ್ಲಿ   ಹೃದ್ರೋಗದ ಇತಿಹಾಸ 

೨ ಗಂಡು ಲಿಂಗ 

೩ ವಯಸ್ಸು ,

ಬದಲಾಯಿಸ ಬಹುದಾದ ಅಂಶಗಳು 

೧ ಧೂಮ ಪಾನ 

೨ ಸಕ್ಕರೆ ಕಾಯಿಲೆ 

೩ ಏರು ರಕ್ತದದೊತ್ತಡ

೪ ರಕ್ತದಲ್ಲಿನ ಅತಿ ಕೊಬ್ಬು (ಕೊಲೆಸ್ತಿರೋಲ್ ಸೇರಿ )

೫. ಬೊಜ್ಜು 

೬. ಕಡಿಮೆ ಶಾರೀರಿಕ ಶ್ರಮ 

೭ ಉದ್ವೇಗ 

ಹೃದಯಾಘಾತ ವನ್ನು  ಹೇಗೆ  ದೃಡೀಕರಿಸುತ್ತಾರೆ ?

ರೋಗಿಯ ಎದೆ ನೋವಿನ ಪರಿ  ಹೃದಯಾಘಾತವನ್ನು ಸೂಚಿಸುವುದು .

ಇ ಸಿ ಜಿ ಎಂಬ ಪರೀಕ್ಷೆಯು ಹೆಚ್ಚು ಕಮ್ಮಿ ಅದನ್ನು ದೃಡೀಕರಿಸುವುದು .    

                         

                              ನಾರ್ಮಲ್ ಇ ಸಿ ಜಿ 

                                 

                             ಹೃದಯಾಘಾತ ತೋರಿಸುವ  ಇ ಸಿ ಜಿ 

ಸಂಶಯ ಇದ್ದರೆ ರಕ್ತ ಪರೀಕ್ಷೆ  ಸಿ ಕೆ ಎಂ ಬಿ  ಮತ್ತು  ಟ್ರೋಪೋನಿನ್  ಐ ಎಂಬ 

ಎರಡು ಪರೀಕ್ಷೆಗಳು  ಹೃದಯಾಘಾತವನ್ನು ಖಚಿತ ಪಡಿಸುವಲ್ಲಿ ಸಹಾಯಕ .

ಇದರೊಂದಿಗೆ  ಹೃದಯದ ಸ್ಕ್ಯಾನ್ -ಇಕೋ ಕಾರ್ಡಿಯೋ ಗ್ರಾಫಿ ಕೂಡ ವೈದ್ಯರ 

ಬತ್ತಳಿಕೆಯಲ್ಲಿಯುವ ಒಂದು ಪರೀಕ್ಷಾ ಕ್ರಮ .

ಇನ್ನು ಅಂಜಿಯೋಗ್ರಾಂ ಎಂಬ ಪರೀಕ್ಷೆ ಬಗ್ಗೆ ನೀವು ಕೇಳಿರ ಬಹುದು .ಇಲ್ಲಿ  ಕಾಲಿನ 

ಅಥವಾ ಕೈಯ ಅಪದಮನಿ ಗಳ ಮೂಲಕ  ಒಂದು ಕೊಳವೆಯನ್ನು ತೂರಿ  ಅದನ್ನು 

ಕ್ಷ ಕಿರಣ  ಯಂತ್ರದ ಸಹಾಯದಿಂದ ಮೆಲ್ಲ ಮೆಲ್ಲನೆ  ಮಹಾ ಅಪಧಮನಿಯಲ್ಲಿ 

ಹೃದಯದ  ಕೊರೋನರಿ ರಕ್ತನಾಳದ ಉಗಮ ಸ್ಥಾನಕ್ಕೆ ತಂದು  ಅದರ ಮೂಲಕ 

ಬಣ್ಣದ ಚುಚ್ಚು ಮದ್ದು ( dye ) ಕೊಟ್ಟು ವೀಡಿಯೊ ಚಿತ್ರೀಕರಣ ಮಾಡುವರು .

ಇದರಿಂದ ಯಾವ ನಾಳದಲ್ಲಿ ಎಷ್ಟು ತಡೆ ಇದೆ ಎಂದು ತಿಳಿಯುವುದು .

    ಬಾಣದ ಗುರುತು ತಡೆ (ಬ್ಲಾಕ್ ) ತೋರಿಸುವುದು .

ಚಿಕಿತ್ಸೆ  :   

 ರೋಗಿಯನ್ನು  ಅತಿ ಗಮನ ತುರ್ತು ವಿಭಾಗದಲ್ಲಿ ದಾಖಲಿಸುವರು .

ರಕ್ತ ಸ್ಥಂಭಕ  ಪ್ಲೇಟ್ ಲೆಟ್ ವಿರೋಧಿ  ಔಷಧಿ  ಗಳಾದ  ಆಸ್ಪಿರಿನ್ , 

ಕ್ಲೋಪಿದೊಗ್ರೆಲ್ , ಕೊಲೆಸ್ತೆರೋಲ್  ನಿಗ್ರಹಿಸುವ  ಸ್ಟಾಟಿನ್  ಮತ್ತು   ನೋವಿಗೆ 

ಮೊರ್ಫಿನ್  ಕೊಡುವರು .ಆಮ್ಲಜನಕ   ಪುರಾಣ ಮಾಡುವರು .ಹೃದಯದ 

ಬಡಿತ , ರಕ್ತದ ಒತ್ತಡಗಳ ಮೇಲೆ   ಮಾಪಕಗಳ ಮೂಲಕ   ಕಣ್ಣಿಡುವರು .

    

ಹೃದಯದ ರಕ್ತ ನಾಳಗಳ   ಹೆಪ್ಪು ಕರಗಿಸುವ  ಔಷಧಿಗಳು ಇವೆ .ಉದಾ 

ಸ್ತ್ರೆಪ್ತೋಕೈನೆಸ್ , ಇವುಗಳನ್ನು ಕೊಡುವರು .

ಇನ್ನು ಕೆಲವೊಮ್ಮೆ  ನೇರವಾಗಿ ಅನ್ಜಿಯೋಗ್ರಂ ಮಾಡಿ ಕೊಳವೆ ಮೂಲಕ 

ರಕ್ತನಾಳದ ತಡೆ ನಿವಾರಿಸುವರು .ಇದನ್ನು ಪ್ರಾಥಮಿಕ  ತಡೆ ನಿವಾರಣೆ ಅಥವಾ 

ಪ್ರೈಮರಿ ಅಂಜಿಯೋ ಪ್ಲಾಸ್ಟಿ ಎಂದು ಕರೆಯುವರು .

ಹೃದಯಾಘಾತದಿಂದ ಸಾವು ಹೇಗೆ ಉಂಟಾಗುವುದು ?

೧  ಮುಖ್ಯ್ಹ ರಕ್ತನಾಳದಲ್ಲಿ ದೊಡ್ಡ ತಡೆ ಉಂಟಾದರೆ  ಹೃದಯದ  ಮಾಂಸ 

ಖಂಡಗಳು  ಪೂರ್ಣ ವಿಫಲ ಗೊಂಡು ಮೆದುಳು  ರಕ್ತವಿಲ್ಲದೆ  ಸಾವು 

ಉಂಟಾಗುವುದು .

೨  ಆಘಾತಕ್ಕೆ ಒಳ ಗಾದ ಹೃದಯ  ದ  ಬಡಿತ ತೀವ್ರ  ಏರು ಪೇರಾಗಿ 

 (arrythmias) ಸಾವು ಬರುವುದು . ಅತೀ ಕಡಿಮೆ ಹೃದಯ ಬಡಿತಕ್ಕೆ 

ಪೇಸ್ ಮೇಕರ್ ಇಡುವರು . ಅತೀ ಏರು ಉಂಟಾದಲ್ಲಿ ಶಾಕ್ ಕೊಡುವರು 

ಮತ್ತು  ಬಡಿತ   ಸ್ಹ್ತಿಮಿತ ಕ್ಕೆ ತರುವ  ಔಷಧಿ ನೀಡುವರು .

 ಇಷ್ಟೆಲ್ಲಾ  ಇದ್ದರೂ  ಅನಾಯೇಸೇ ಮರಣಂ (ವಿನಾ ದೈನ್ಯೇನ  ಜೀವಿತಂ) ಎಂದು 

ಪ್ರಾರ್ಥಿಸುವವರಿಗೆ  ಹೃದಯಾಘಾತ ವರ  ವಾಗಿ ಪರಿಣಮಿಸುವುದು 

ಹೃದಯಾಘಾತ ೧

       ಹೃದಯಾಘಾತ 1

ಎಲ್ಲರೂ ಹೆದರುವ  ಕಾಯಿಲೆ ಹೃದಯಾಘಾತ .ಆಘಾತ ಎಂದರೆ  ಯಾವುದೇ 

ದೀರ್ಘ ಮುನ್ಸೂಚನೆ ಇಲ್ಲದೆ ಎರಗುವ ಆಕ್ರಮಣ .

 ಹೃದಯ ದೇಹದ ಎಲ್ಲಾ ಭಾಗಗಳಿಗೆ  ಆಹಾರ ,ಮತ್ತು ಆಮ್ಲಜನಕ ರಕ್ತದ ಮೂಲಕ 

ಸರಬರಾಜು ಮಾಡುವ ಅಂಗ .ಇಂತಹ ಪ್ರಾಮುಖ್ಯ ಅಂಗಕ್ಕೆ ರಕ್ತ ಸರಬರಾಜು 

ಮಾಡುವ  ರಕ್ತ ನಾಳ ಗಳಿಗೆ ಕೊರೋನರಿ  ರಕ್ತನಾಳ ಎನ್ನುವರು .ತನ್ನ ಒಳಗೆ 

ರಕ್ತ ಇದ್ದರೂ ಆಯಿಲ್ ಟ್ಯಾಂಕರ್  ವಾಹನಕ್ಕೆ ಬೇರೆ ಡಿಸೇಲ್ ಟ್ಯಾಂಕ್ ಮತ್ತು 

ಪೈಪ್ ಇರುವಂತೆ   ಹೃದಯಕ್ಕೆ ಇವು.

             

ಮಹಾ ಅಪಧಮನಿ  ಯಿಂದ  ಕವಲೊಡೆವ  ಕೊರೋನರಿ ನಾಳಗಳಲ್ಲಿ 

ಮುಖ್ಯವಾಗಿ  ಬಲ ಮತ್ತು ಎಡ ಎಂಬ  ಎರಡು ಮುಖ್ಯ ವಾದುವು .ಹೃದಯದ 

ಎಡ ಭಾಗ ಹೆಚ್ಚು ಕೆಲಸ ಮಾಡ ಬೇಕಾದುದರಿಂದ   ಎಡದ ರಕ್ತನಾಳ ದಲ್ಲಿ 

ಹೆಚ್ಚು  ರಕ್ತ  ಸಂಚಾರ .ಎಡದ  ಕೊಳವೆ  ಮುಂದೆ  ಎಡ ಮುಂದಕ್ಕೆ  ಇಳಿಯುವ 

ಮತ್ತು  ಎಡ ಸುತ್ತು ಹಾಕುವ  ಎಂದು ವಿಭಜನೆ ಹೊಂದುವುದು.. ಹಾಗೆ ಒಟ್ಟು 

ಮೂರು ಪ್ರಧಾನ  ರಕ್ತನಾಳಗಳು ಆದುವು .ಇವುಗಳ ತೊಂದರೆಯನ್ನೇ 

ಒಂದು ನಾಳದ (ಸಿಂಗಲ್ ವೆಸ್ಸೆಲ್) ಬ್ಲಾಕ್ ,ಮೂರು ಬ್ಲಾಕ್ ಇತ್ಯಾದಿ  ಹೇಳುವರು .

ಹೃದಯಾಘಾತ ಉಂಟಾಗುವ ಪರಿ 

ಮೊದಮೊದಲು ರಕ್ತನಾಳದ  ಒಳ ಪದರಿನ ಕೆಳಗೆ  ಕೊಬ್ಬು ಶೇಖರಣೆ ಆಗುವುದು .

ಇದನ್ನು ಫ್ಯಾಟಿ ಸ್ಟ್ರೀಕ್ ಎನ್ನುವರು ,ಇದು ಬೆಳೆದು ರಕ್ತನಾಳದಲ್ಲಿ  ಮೊದಲು 

ಭಾಗಶ  ತಡೆ ಏರ್ಪಡಿಸುವುದು .ಮುಂದೆ ಒಳಪದರ  ಒಡೆದು  ರಕ್ತ ಹೆಪ್ಪು ಗಟ್ಟಿಸುವ 

ವಸ್ತುಗಳನ್ನು  ಆಕರ್ಶಿಸಿ ಪ್ರಚೋದಿಸುವುದು .ಇವುಗಳಲ್ಲಿ  ಪ್ಲೇಟ್ ಲೆಟ್  ರಕ್ತ 

ಕಣಗಳು ( ಇವುಗಳ ಬಗ್ಗೆ ವಿವರhttps://padmangri.blogspot.com/2020/11/blog-post_20.html) ಮತ್ತು ಹೆಪ್ಪು ಗಟ್ಟಿಸುವ ರಾಸಾಯನಿಕಗಳು ಸೇರಿ  ಈ ಭಾಗದಲ್ಲಿ ರಕ್ತ 

ಹೆಪ್ಪುಗಟ್ಟಿ   ರಕ್ತ ಸಂಚಾರಕ್ಕೆ ಪೂರ್ಣ ತಡೆ ಏರ್ಪಡುವುದು .ರಕ್ತದ ಮೂಲಕ 

ಆಮ್ಲಜನಕ ,ಆಹಾರ ಸಿಗದೆ ಹೃದಯದ ಮಾಂಸ ಖಂಡಗಳು  ಬಸವಳಿದು 

ಬೆಂಡಾಗಿ ಕೂಗುವುವು.ಅದುವೇ  ಎದೆ ನೋವಿಗೆ ಕಾರಣ .ಪರಿಸ್ತಿತಿ   

ಸುಧಾ ರಿಸದಿದ್ದಲ್ಲಿ ಆ ಭಾಗದ ಮಾಂಸ ಖಂಡ ಸತ್ತು  ಹೃದಯ  ರಕ್ತ  ಪಂಪ್ 

ಮಾಡುವ  ಕಾರ್ಯದಲ್ಲಿ  ವ್ಯತ್ಯಯ ಆಗುವುದು .ಮೆದುಳಿಗೆ ರಕ್ತ ಬಂದ್ ಆದರೆ 

ಸಾವು ಸಂಭವಿಸುವುದು .

ಹೃದಯದ  ಆರ್ತನಾದ  ಎದೆ ನೋವಿನ ರೂಪದಲ್ಲಿ .ನೋವು  ಎದೆ ಮಧ್ಯದಲ್ಲಿ 

ಒತ್ತಿದಂತೆ ,  ಎಡದ ಕೈ ಮತ್ತು ದವಡೆಗೆ  ಪಸರಿಸುವುದು .ಸಿನೆಮಾ ದಲ್ಲಿ ತೋರಿಸುವಂತೆ ಎಡ ಭಾಗದಲ್ಲಿ ನೋವು ಬರುವುದು ಕಡಿಮೆ ..ಕೆಲವೊಮ್ಮೆ 

ಹೊಟ್ಟೆ ನೋವು ರೂಪದಲ್ಲಿ ಬರಬಹುದು .ಅತಿಯಾಗಿ ಬೆವರುವುದು .

ಇನ್ನು ಮೌನ  ಆಘಾತ (ಸೈಲೆಂಟ್ ಅಟ್ಯಾಕ್ ) ದಲ್ಲಿ ನೋವು ಇರದು .ಇದು 

ಸಕ್ಕರೆ ಕಾಯಿಲೆ ಯವರಲ್ಲಿ ಸಾಮಾನ್ಯ .ನೋವು ವಾಹಕ ನರಗಳ ದೌರ್ಬಲ್ಯ 

ಇದಕ್ಕೆ ಕಾರಣ .                                                                     

            
https://youtu.be/mLmKq5bQOg0

 

ಶರೀರದಲ್ಲಿ ನೀರು ಬರುವುದು

ಶರೀರದಲ್ಲಿ  ಕೆಲವೊಮ್ಮೆ ನೀರು ತುಂಬಿದಂತೆ ಆಗುವುದು ,ಇದನ್ನು ಅಂಗ್ಲ 

ಭಾಷೆಯಲ್ಲಿ  ಎಡಿಮಾ ಎನ್ನುವರು .ಹೆಚ್ಚಾಗಿ ಕಾಲುಗಳಲ್ಲಿ ,ಕಣ್ಣಿನ ಸುತ್ತ ,ಉದರ 

ಮತ್ತು ಕೆಲವೊಮ್ಮೆ ಇಡೀ ಶರೀರದಲ್ಲಿ ನೀರು ತುಂಬುವುದು .ಈ ತರಹ ನೀರು 

ನಿಂತಾಗ  ಭಯವಾಗುವುದು .ಮತ್ತು ಮೂತ್ರಪಿಂಡ(ಕಿಡ್ನಿ) ಗಳ ಕಾಯಿಲೆ ಎಂದು 

ಹಲವರು ಭಾವಿಸುವರು .ಇದು ಸರಿಯಲ್ಲ.

   ನಮ್ಮ ರಕ್ತದಲ್ಲಿ ನೀರನ್ನು ರಕ್ತನಾಳ ಗಳ ಒಳಗೆ ಹಿಡಿದಿರುವ ಶಕ್ತಿ ಸಸಾರಜನಕ .

ನೀರನ್ನು ಹೊರ ದೂಡುವ ಶಕ್ತಿ  ರಕ್ತನಾಳದ ಒಳಗಿನ ದ್ರವದ ಒತ್ತಡ ಹೊರ 

 ದೂಡಲು ನೋಡುವುದು .ಈ ಶಕ್ತಿಗಳ ಸಮರಸವೇ ಅರೋಗ್ಯ ,ವಿರಸ ವೇ ರೋಗ .

                         

ಈಗ  ಸಸಾರಜನಕ ಹೇಗೆ  ಕಮ್ಮಿಯಾಗುವುದು ಎಂದು ನೋಡೋಣ .

೧  .ಆಹಾರದಲ್ಲಿ   ಸಸಾರಜನಕದ ಕೊರತೆ .ಪೌಷ್ಟಿಕ ಆಹಾರದಿಂದ  ವಂಚಿತರು 

೨.  ಮೂತ್ರದಲ್ಲಿ ಸಸಾರಜನಕ ನಷ್ಟವಾಗುವುದು .ಸಾಮಾನ್ಯವಾಗಿ  ಮೂತ್ರದಲ್ಲಿ 

ಸಸಾರಜನಕ  ವಿಸರ್ಜಿಸಲ್ಪದುವುದಿಲ್ಲ .ಆದರೆ  ಮೂತ್ರಪಿಂಡಗಳ  ರೋಗದಲ್ಲಿ 

ಅದು  ಅತಿಯಾಗಿ ವಿಸ್ರಜಿಸಲ್ಪಟ್ಟು  ರಕ್ತದಲ್ಲಿ  ಸಸಾರಜನಕದ ಕೊರತೆ 

 ಉಂಟಾಗುವುದು .ಇದನ್ನು  ನೆಪ್ಫ್ರೋಟಿಕ್  ಸಿಂಡ್ರೋಮ್  ಎನ್ನುವರು .

೩.  ಲಿವರ್ ಶರೀರದ ಆಹಾರದ ಉಗ್ರಾಣ ,ಅಲ್ಲದೆ  ಸಸಾರಜನಕದ  ಉತ್ಪಾದನೆ 

ಮಾಡುವ  ಕಾರ್ಖಾನೆ .ಮದ್ಯಪಾನ , ವೈರಲ್  ಕಾಯಿಲೆಯಿಂದ  ಲಿವರ್ 

ಕಾರ್ಯ  ಕುಂಟಿತ ವಾಗಿ  ರಕ್ತದಲ್ಲಿ   ಸಸಾರಜನಕ ಕಂಮಿಯಾಗುವುದು. .

ಮೇಲೆ ಹೇಳಿದ ಸಂದರ್ಭಗಳಲ್ಲಿ   ನೀರು ರಕ್ತ ನಾಳ ಗಳಿಂದ ಹೊರ ಹೋಗಿ 

ಚರ್ಮದ ಅಡಿಯಲ್ಲಿ  ಶೇಖರಣೆ ಆಗುವುದು ಲಿವರ್  ಕಾಯಿಲೆಯಲ್ಲಿ  ಉದರದಲ್ಲಿ 

ನೀರು ಸೇರುವುದು ಹೆಚ್ಚ್ಚು 

 ಇದನ್ನು  ಜಲೋದರ ಎನ್ನುವರು .

ರಕ್ತ ನಾಳಗಲ್ಲಿ  ರಕ್ತ ಸಂಚರಿಸುತ್ತಲೇ ಇರ ಬೇಕು .ಈ ಜಂಗಮ 

ಸ್ಥಿತಿಗೆ   ಹೃದಯದ  ಸಹಕಾರ ಅತ್ಯವಶ್ಯ .  ಹೃದಯ ಸರಿಯಾಗಿ  ಕೆಲಸ 

ಮಾಡದಿದ್ದರೆ   ಅಬಿಧಮನಿ ಗಳಿಂದ  ರಕ್ತವು  ಹೃದಯಕ್ಕೆ  ಖಾಲಿಯಾಗದೆ  

ರಕ್ತನಾಳಗಳಲ್ಲಿನ  ಜಲದ ಒತ್ತಡ ಏರುವುದು ,ಇದರಿಂದ  ನೀರು ಹೊರಕ್ಕೆ 

ಸೋರಿ  ಅಂಗಾಂಗಗಳಲ್ಲಿ  ನೀರು ಬರುವುದು .

ಇನ್ನು ಕೆಲವು ಔಷಧಿಗಳೂ  ಕಾಲಿನಲ್ಲಿ  ನೀರು ಬರುವಂತೆ  ಮಾಡ ಬಹುದು 

ಉದಾ . ನಿಫೆಡೆಪಿನ್,ಅಮ್ಲೊಡಿಪಿನ್ ನಂತಹ  ಬಿ ಪಿ ಗೆ ಕೊಡುವ  ಔಷಧಿಗಳು 

ನೋವು ನಿವಾರಕ ಔಷಧಿಗಳು ಇತ್ಯಾದಿ .

ಬಿ ಅನ್ನಾಂಗ ಥಯಾಮಿನ್ ಕೊರತೆ ಯಿಂದ   ನೀರು ಸೇರುವುದು  ಇತ್ತೀಚಿಗೆ 

ಪುನಃ ಕಾಣಿಸಿ ಕೊಳ್ಳುತ್ತಿದೆ .ಇದಕ್ಕೆ ಆಹಾರದಲ್ಲಿ  ಅನ್ನಾಂಗ ವಿರೋಧಿ 

ವಸ್ತುಗಳು ಇರುವುದುದೇ ಕಾರಣ ಎನ್ನುವರು .

ಫೈಲೆರಿಯ  ,ಮತ್ತು ಬ್ಯಾಕ್ಟೀರಿಯಾ  ಸೋಂಕುಗಳು  ಅವು  ಕಾಡಿದ ಅವಯವ 

ಗಳಲ್ಲಿ  ಬಾವು ಉಂಟು ಮಾಡುವವು .ಥೈರಾಯಿಡ್  ಹೊರ್ಮೊನ್ ಕೊರತೆಯಿಂದ

ಅವಯವ  ಮತ್ತು  ಮುಖ ಗಳಲ್ಲಿ  ನೀರು ತುಂಬಿದಂತೆ ಕಾಣುವುದು .

ಅರುಣಾ ಶಾನ್ ಭೋಗ್ ಅವರಿಗೆ ಅದರಾಂಜಲಿ

ಮುಂಬೈ ಕೆ ಇ ಎಂ ಆಸ್ಪತ್ರೆಯಲ್ಲಿ ಕೆಲಸ ಮಾಡುತಿದ್ದ  ನಮ್ಮ ಉತ್ತರ ಕನ್ನಡದ 

ಹುಡುಗಿ ಅರುಣಾ ಶಾನ್ ಭೋಗ್ .ನರ್ಸ್ ಆಗಿದ್ದ ಆಕೆ ಆಸ್ಪತ್ರೆಯ ಆಹಾರ 

ಪದಾರ್ಥ ಗಳನ್ನು ಕದಿಯುತ್ತಿದ್ದ  ವಾರ್ಡ್ ಬಾಯ್  ಸೋಹನ್ ಲಾಲ್ ಬಾತ್ರ 

ವಾಲ್ಮೀಕಿ ಯನ್ನು  ಎಚ್ಚರಿಸಿದ್ದಳು .ಪ್ರತೀಕಾರವಾಗಿ ರಾತ್ರಿ ಕರ್ತವ್ಯ ಮುಗಿಸಿ 

ಹೋಗುವ ವೇಳೆ ಕಾದು ನಿಂತು ಆಕೆಯ ಮೇಲೆ ಆಕ್ರಮಣ ಮಾಡಿ ,ಉಸಿರುಗಟ್ಟಿಸಿ 

ಅತ್ಯಾಚಾರ ಮಾಡಿದ .ಇದರಿಂದ ಕಳೆದು ಕೊಂಡ ಪ್ರಜ್ಞೆ ಪೂರ್ಣವಾಗಿ  ಆಕೆಗೆ 

ಬರಲೇ ಇಲ್ಲ .

ಆದರೆ ಆಕೆಯನ್ನು ಸಹೋದ್ಯೋಗಿಗಳು ಚೆನ್ನಾಗಿ ಆರೈಕೆ ಮಾಡಿದರು .ಮಲಗಿದಲ್ಲೇ 

ಇದ್ದರೂ  ಬೆಡ್ ಸೊರ್ ಆಗದಂತೆ ನೋಡಿ ಕೊಂಡರು.ಸುಪ್ರೀಂಕೋರ್ಟ್ ನಲ್ಲಿ 

ಪತ್ರಕರ್ತೆ ಓರ್ವಳು ಆಕೆಗೆ ದಯಾ ಮರಣ ಪಾಲಿಸುವಂತೆ ಅರ್ಜಿ ಸಲ್ಲಿಸಿದಾಗ 

ಆಸ್ಪತ್ರೆಯ  ಉದ್ಯೋಗಿಗಳು ಅದನ್ನು ವಿರೋದಿಸಿದರು .

ಆಕೆಯ ಕುಟುಂಬವೂ ಕಲಾಕ್ರಮೇಣ ಆಕೆಯ ಯೋಗ ಕ್ಷೇಮ ವಿಚಾರಿಸುದನ್ನು 

ಬಿಟ್ಟಿತ್ತು. ಆದರೂ ಸಹೋದ್ಯೋಗಿಗಳು  ಅವಳ ಆಸರೆಯಾಗಿ ನಿಂತರು 

      ತನ್ನ ಕರ್ತವ್ಯ  ಪ್ರಜ್ಞೆ ಗಾಗಿ  ಜೀವನ ವನ್ನೇ ತೆತ್ತ  ಅರುಣಾ ಮತ್ತು  ಅವಳ 

ಆರೈಕೆಯನ್ನು  ತಪಸ್ಸಿನೋಪಾದಿಯಲ್ಲಿ  ಗೈದ ಕೆ ಇ ಎಂ ಅಸ್ಪತ್ರೆಯ 

ಉದ್ಯೋಗಿಗಳಿಗೆ   ನಮೋನ್ನಮಃ
( ಅರುಣಾ  ೧೮.೫.೨೦೧೫ ರಂದು ಕೊನೆಯುಸಿರು ಎಳೆದರು )

ಯಕ್ಷಗಾನ ತಾಳ ಮದ್ದಳೆಯ ಹರವುಗಳು

                          

ನಿನ್ನೆ ಒಂದು ಯಕ್ಷಗಾನ ತಾಳ ಮದ್ದಳೆ  ,ಪ್ರಸಂಗ  ಪಾದುಕಾ ಪ್ರಧಾನ . ಮೊದಲು 

ಹಲವು ಭಾರಿ  ಕೇಳಿದ ಕತೆ .ಆದರೂ ನಿತ್ಯ ನೂತನ ವಾಗಿ ತೋರುತ್ತದೆ 

.ಕರಾವಳಿಯಲ್ಲಿ  ಈ ಕಲೆ ಜನಪ್ರಿಯ ಆಗುವುದಕ್ಕೆ  ಪುರಾಣ ಕತೆಗಳಲ್ಲಿನ  

ವಿಚಾರಗಳನ್ನು ಬೇರೆ ಬೇರೆ ಆಯಾಮಗಳಲ್ಲಿ   ವಿಮರ್ಶೆ ಮಾಡುವ   ವಿಪುಲ 

 ಅವಕಾಶ ಇರುವ  ಮಾಧ್ಯಮ ಆಗಿರುವುದು .ಕತೆಯ ಹಂದರ  ಎಲ್ಲರಿಗೆ 

ತಿಳಿದಿರುವುದು .ಆದುದರಿಂದ ಅದರ  ವಿಸ್ತಾರ ,ಕಲಾವಿದರ  ಜ್ಞಾನ  ಭಂಡಾರ 

ಮತ್ತು  ವಾಕ್ ಶಕ್ತಿ ಗೆ ಹೊಂದಿಕೊಂಡು  ಮಂಡನೆ ಆಗುವಾಗ 

 ನ್ಯಾಯಾಲಯದಲ್ಲಿನ  ರೋಚಕ  ಕೇಸ್  ಮಂಡನೆ ಯಂತೆ  ಕೇಳುಗರಿಗೆ 

 ಮನೋರಂಜನೆಮತ್ತು  ಜ್ಞಾನಾರ್ಜನೆ

.ಯಕ್ಷಗಾನ ಬಯಲಾಟದಲ್ಲಿ  ವೇಷ ಭೂಷಣ ಧರಿಸಿ  ಪಾತ್ರದಾರಿ  ಅರ್ಥ ಹೇಳಿದರೆ 

ತಾಳ ಮದ್ದಲೆಯಲ್ಲಿ  ವೇಷ ಭೂಷಣ ಇಲ್ಲ .ಭಾಗವತರ  ಪದ್ಯ ಮತ್ತು  ಆಯಾ 

ಪಾತ್ರದಾರಿಗಳಿಂದ  ಪದ್ಯಕ್ಕೆ  ಅನುಗುಣವಾಗಿ ಅರ್ಥ .

ಪಾದುಕಾ ಪ್ರಧಾನ ಪ್ರಸಂಗದಲ್ಲಿ  ,ತಂದೆಯ ಸಾವು ಮತ್ತು  ರಾಮ ಕಾಡಿಗೆ 

ತೆರಳಿದ ಸುದ್ದಿ ತಿಳಿದು ಅಯೋಧ್ಯೆಗೆ ಬಂದ ಭರತ ತನ್ನ ತಾಯಿಯ ಕೃತ್ಯ ದಿಂದ 

ನೊಂದು  ರಾಮನಿಲ್ಲದ ರಾಜ್ಯ ತನಗೇಕೆ ಎಂದು  ,ರಾಮನನ್ನು ಕರೆತರುವುದಕ್ಕಾಗಿ 

ಅರಣ್ಯಕ್ಕೆ ಬಂದು ಮರಳಿ ಬಂದು ರಾಜ್ಯದ ಅಧಿಕಾರ ಸ್ವೀಕರಿಸುವಂತೆ  

ವಿನಂತಿಸುವ  ಕತೆ.ಯಕ್ಷಗಾನದ ದಿಗ್ಗಜರಾದ  ಕುಂಬ್ಳೆ ಸುಂದರ ರಾವ್ 

ಭರತ ಮತ್ತು ಪ್ರಭಾಕರ ಜೋಷಿ ರಾಮನ ಪಾತ್ರ .

ಭರತ : ರಾಮ ತಂದೆ ತೀರಿ ಕೊಂಡಾಗ  ಪಟ್ಟಕ್ಕೆ ಅರ್ಹ ಜ್ಯೇಷ್ಠ ಪುತ್ರ .ಅವನಿಗೆ 

ಅನಾರೋಗ್ಯ ,ಅಂಗ ವೈಕಲ್ಯ ಅಥವಾ ಚಾರಿತ್ರ್ಯ ಹೀನತೆ ಇದ್ದಾಗ ಮಾತ್ರ 

ತಮ್ಮನಿಗೆ ಪಟ್ಟ ಕಟ್ಟ ಬಹುದು ,ಆದುದರಿಂದ ನೀನೆ ಅಯೋಧ್ಯೆಗೆ ಬಂದು 

ಸಿಂಹಾಸನ ಏರುವುದು ಉಚಿತ 

ರಾಮ : ನೀನು ಹೇಳುವುದು ಸರಿ .ಆದರೆ  ನೀನು ಹೇಳಿದ ಅಂಶಗಳಲ್ಲದೆ

ಹಿರಿಯ ಮಗನು ವ್ರತಾಧರಿ ಆಗಿದ್ದರೂ ತಮ್ಮನಿಗೆ ಪಟ್ಟ ಕಟ್ಟ ಬಹುದು .

ತಂದೆಯು ಚಿಕ್ಕಮ್ಮನಿಗೆ ಕೊಟ್ಟ ವಾಕ್ಯದ ಪರಿ ಪಾಲನೆ ಮಾಡುವುದಕ್ಕಾಗಿ 

ನಾನು ವನವಾಸ ವ್ರತ  ಹಿಡಿದವನು .ಆದುದರಿಂದ ತಮ್ಮನಾದ ನೀನು 

ರಾಜ್ಯಭಾರ ಮಾಡು .

ಭರತ :  ನನ್ನ ತಾಯಿ ಕೈಕೇಯಿ ಈಗ  ಪಶ್ಚಾತ್ತಾಪ ಪಟ್ಟುಕೊಂಡು ತನ್ನ ಮಾತು 

ಹಿಂತೆಗೆದುಕೊಂಡು ನಿನ್ನನ್ನು ಕೂಡಿ ಮರಳಲು ನನ್ನೊಡನೆ ಬಂದಿರುವಳು .

ರಾಮ :  ಈ ಮಾತು ನಮ್ಮ ತಂದೆ ಮತ್ತು ಚಿಕ್ಕಮ್ಮನ  ನಡುವೆ  ಆದುದು .

ನಮ್ಮ ತಂದೆ ಈಗ ಇಲ್ಲ .ಆದುದರಿಂದ ಅದನ್ನು ಈಗ ಏಕ ಪಕ್ಷೀಯ ವಾಗಿ 

ಹಿಂದೆ ಪಡೆಯಲು ಆಗದು .ಅಲ್ಲದೆ ಹಿಂದೆ ಯುದ್ಧ ಕಾಲದಲ್ಲಿ ತಂದೆಯ 

ಪ್ರಾಣ ಉಳಿಸಿದುದೇ ಚಿಕ್ಕಮ್ಮ .ಆ ಸಂಧರ್ಭದಲ್ಲಿ ತಂದೆ ಕೊಟ್ಟ ವರ .

ನಮ್ಮ ಚಿಕ್ಕಮ್ಮ ಅಂದು ಇರದಿದ್ದಲ್ಲಿ  ನಾವು  ಈ ಭೂಮಿಯಲ್ಲಿ  ಧಶರಥ 

ಮಹಾರಾಜನ   ಮಕ್ಕಳಾಗಿ ಜನಿಸುವ ಅವಕಾಶ ವೆ  ಬರುತ್ತಿರಲಿಲ್ಲ .ಆಕೆ ಅಷ್ಟಕ್ಕೂ 

ದೊಡ್ಡ ,ನಡೆಸಿ ಕೊಡಲಾಗದ ವರವೇನೂ ಕೇಳಿಲ್ಲ .ಆದುದರಿಂದ ನಾನು 

ಹಿಂದೆ ಬರುವುದು ಸರಿಯಲ್ಲ .

ಭರತ :  ನನ್ನ ತಾಯಿ ವರ ಕೇಳಿರ ಬಹುದು .ಆದರೆ ತಂದೆಯವರು ಅದಕ್ಕೆ 

ಸಮ್ಮತಿ ಕೊಟ್ಟಿರಲಿಲ್ಲ .ತಾಯಿಯ ಮಾತು ಕೇಳಿ  ಬಾಯಿ ಕಟ್ಟಿ ಹೋದಂತೆ 

ಇದ್ದವರು  ನೀನು ಕಾಡು ತಲುಪುತ್ತಿದ್ದಂತೆ  ಬಿದ್ದು ಹಾಸಿಗೆ ಸೇರಿ ಪ್ರಾಣ ಬಿಟ್ಟರಲ್ಲ 

ಆದುದರಿಂದ ಪಿತೃ ವಾಕ್ಯ ಭಂಗ ಆಗುವುದಿಲ್ಲ .

ರಾಮ : ನೀನು ಹೇಳುವುದು ಮೇಲ್ನೋಟಕ್ಕೆ ಸರಿ ಕಂಡರೂ  ತಾಯಿ ತನಗೆ 

ಹಿಂದೆ ಕೊಡಲ್ಪಟ್ಟ ವರವನ್ನು ಮುಂದೆ ಯಾವಾಗ ಬೇಕಿದ್ದರೂ  ಪಡೆಯುವ 

ಅವಕಾಶ ತಂದೆ ಕೊಟ್ಟಿದ್ದರಿಂದ ಆಕೆ ಕೇಳಿದ ಒಡನೆ ತಂದೆಯವರು ಅನುಮತಿಸಿದ 

ಹಾಗೆ ಆಗುವುದು .

ಭರತ : ಸರಿ ,ಈಗ ನಾನು ಅಯೋಧ್ಯೆಯ ಚಕ್ರವರ್ತಿ ,ನೀನು ಪ್ರಜೆ .ನಾನು 

ನಿನಗೆ ಆಜ್ಞೆ ಮಾಡುವೆನು .ಕೂಡಲೇ ಅಯೋಧ್ಯೆಗೆ ಮರಳಿ ಪಟ್ಟ ಸ್ವೀಕರಿಸು .

ರಾಮ :ಸರಿ ,ನಿನ್ನ ಆಜ್ಞೆಗೆ ಯನ್ನು ಶಿರಸಾವರಿಸಿ ನಾನು ಪಟ್ಟ ಸ್ವೀಕರಿಸಿ 

ಹೇಳುತ್ತೇನೆ ,ತಂದೆಯವರ  ಮಾತು ಪಾಲಿಸುವುದಕ್ಕೆ ನಾನು ವನವಾಸ 

ಮಾಡಿ ಹದಿನಾಲ್ಕು ವರುಷ ಕಳೆದು  ಮರಳಿ ಬರುವ ವರೆಗೆ   ಪ್ರಜೆಗಳಿಗೆ 

ಯಾವುದೇ ಕುಂದು ಬರದಂತೆ  ರಾಜ್ಯ ಭಾರ ಮಾಡುವಂತವನಾಗು .

ಭರತ ;(ಕುಂಬ್ಳೆ ಸುಂದರ ರಾವ್ ).ಸರಿ ಅಯೋಧ್ಯೆಯಿಂದ ಹೊರಡುವಾಗ 

ಪ್ರಜೆಗಳಿಗೆ ರಾಮನನ್ನು ಕೂಡಿಕೊಂಡೆ ಮರಳುವೆನೆಂದು ಹೇಳಿ ಬಂದಿದ್ದೇನೆ .

ಈಗ ನಾನು ಬರಿಗೈಲಿ ಹೋದರೆ ಹೋದ ರಾಯ ಬಂದ ರಾಯ ಸುಂದರ ರಾಯ 

ಎಂದು  ಲೇವಡಿ ಮಾಡುವರು .ಅದಕ್ಕೆ ನಿನ್ನ ಪಾದುಕೆಗಳನ್ನು ದಯಪಾಲಿಸು 

ಸಿಂಹಾಸನದಮೇಲೆ ಇಟ್ಟು ನಿನ್ನ ಹೆಸರಿನಲ್ಲಿ ಆಡಳಿತ ನಡೆಸುವೆನು.

ಮಲೇರಿಯಾ ದಲ್ಲಿ ಜಾಂಡೀಸ್

ನಾನು ಹಿಂದೆ ಇದೇ ಬ್ಲಾಗ್ ನಲ್ಲಿ  ಕಾಮಾಲೆಯ ಬಗ್ಗೆ ಬರೆದಿದ್ದೆ .ಹಳದಿ  ಒಂದು 

ರೋಗ ಅಲ್ಲ ಅದು ಹಲವು ರೋಗಗಳ ಒಂದು ಲಕ್ಷಣ ಮಾತ್ರ . 

ಮಲೇರಿಯ ಮತ್ತು ಬೆಬಿಸಿಯ ಎಂಬ ಎರಡು ರೋಗಾಣು ಗಳಿವೆ .ಇವು ತಮ್ಮ 

ಜೀವನದ ಮುಖ್ಯ ಗಳಿಗೆಗಳನ್ನು ಕ್ರಮವಾಗಿ ಸೊಳ್ಳೆ ಮತ್ತು  ಉಣ್ಣಿ ಗಳಲ್ಲಿ ಕಳೆದರೂ 

ಮನುಜ ಶರೀರ ದೊಳಗೂ  ಹಾದು ಹೋಗುತ್ತವೆ. ಅವುಗಳ ಅಲೈಂಗಿಕ ಜೀವನ  

ಮನುಷ್ಯನಲ್ಲಿ ಇಟ್ಟನೂ ನಮ್ಮ ಶಿವ  ಲೈಂಗಿಕ ಜೀವನ ಕೀಟ ಗಳಲ್ಲಿ ಇಟ್ಟನು .


ಮಲೇರಿಯಾ ರೋಗಾಣು ಗಳು  ಸೊಳ್ಳೆ ಕಡಿತದಿಂದ ರಕ್ತ ಸೇರಿ ಕೆಂಪು ರಕ್ತ ಕಣ

ಗಳನ್ನು ತಮ್ಮ ಮನೆಯಾಗಿ  ಮಾಡಿ ಕೊಳ್ಳುತ್ತವೆ . ತಾವು ಅಲ್ಲಿ ಬೆಳೆದು  ಆ 

ಮೇಲೆ ಮನೆ ಮುರುಕ ಕೆಲಸ ಮಾಡುತ್ತವೆ.  ತಮ್ಮ ಆಶ್ರಯ ದಾತ ಕೆಂಪು 

ರಕ್ತ ಕಣ ಗಳನ್ನು ಛೇದಿಸಿ ಹೊರ ಬರುವಾಗ ರಕ್ತ ಕಣ ಗಳು ನಾಶ ಹೊಂದುತ್ತವೆ .

ಅವುಗಳಿಂದ ಬಿಡುಗಡೆ ಆದ ಬಿಲಿರುಬಿನ್ ಎಂಬ  ಹಳದಿ ವರ್ಣ ವಸ್ತು ರಕ್ತದಲ್ಲಿ 

ಶೇಖರ ಆಗಿ ಮೈಗೆ ಹಳದಿ ಬಣ್ಣ ಬರುವುದು .ಇದು ಮಲೇರಿಯಾ ಕಾಯಿಲೆಯ 

ಜಾಂಡೀಸ್ .ಇಲ್ಲಿ ಮಲೇರಿಯ ಕಾಯಿಲೆಗೆ ಔಷಧಿ ಮಾಡ ಬೇಕು ,ಯಾವುದೇ 

ಪಥ್ಯದ ಅವಶ್ಯಕತೆ ಇಲ್ಲ .