ಆಸ್ಪತ್ರೆಯ ಅನಿರೀಕ್ಷಿತ ಮರಣಗಳು

ಇತ್ತೀಚಿಗೆ ಆಸ್ಪತ್ರೆಯಲ್ಲಿ ರೋಗಿ  ಮೃತ ಪಟ್ಟಾಗ ವೈದ್ಯರು ಮತ್ತು ಸಿಬ್ಬಂದಿ  ಮೇಲೆ 

ಹಲ್ಲೆ ಪ್ರಕರಣಗಳು  ಹೆಚ್ಚಾಗಿವೆ ,ಕೆಲವು ಸಂದರ್ಭಗಳಲ್ಲಿ  ಸಿಬ್ಬಂದಿ  ನಿರ್ಲಕ್ಷ್ಯ

 ಕಾರಣ ಇರ ಬಹುದಾದರೂ  ಉಳಿದ ಕಡೆ   ಈ ಹಿಂಸೆಯನ್ನು  ಸಮರ್ಥಿಸಿ  

ಕೊಳ್ಳಲಾಗದು .

ಒಬ್ಬರು ರೋಗಿ ಬಿದ್ದು ಕಾಲು ಎಲುಬು ಮುರಿದಿತ್ತು .ಬೇರೆ ಏನೂ ತೊಂದರೆ 

ಇರಲಿಲ್ಲವಾದ್ದರಿಂದ  ಅದನ್ನು ಸರಿ ಪಡಿಸಿ ಕಳುಹಿಸಲಾಯಿತು .ಸ್ವಲ್ಪ ದಿನಗಳ 

ನಂತರ ಅವರಿಗೆ ಅಪಸ್ಮಾರ ಶುರುವಾಯಿತು .ಅದಕ್ಕಾಗಿ ತಲೆಯ  ಸ್ಕ್ಯಾನ್ 

ಮಾಡಿದಾಗ ಅವರಿಗೆ  ಮೆದುಳಿನ ಹಳೆಯ ರಕ್ತ ಸ್ರಾವ ಇತ್ತು .ಅಂದರೆ  ಈ ರಕ್ತ 

ಸ್ರಾವ ಯಾವುದೇ ಲಕ್ಷ್ನಣ ಗಳಿಲ್ಲದೆ  ಮೌನ ವಾಗಿತ್ತು .ಒಂದು ವೇಳೆ ಶಸ್ತ್ರ ಚಿಕಿತ್ಸೆ 

ಸಮಯದಲ್ಲಿ  ಇದರಿಂದ ತೊಂದರೆ ಬಂದು ರೋಗಿಯ ಪ್ರಾಣಕ್ಕೆ ಸಂಚಕಾರ 

ಬಂದಿದ್ದರೆ  ಹೇಗೆ ವಿವರಿಸುವುದು ?

ಬಾಣಂತಿಯರ ಸಾವು  ಬಹಳ  ಅನೀರಿಕ್ಷಿತ ,ಹಾಗೆಯೇ  ಹೆಚ್ಚು ಅಹಿತಕರ 

ಘಟನೆಗಳು  ಇದರಿಂದ ನಡೆಯುವವು .ಅಮ್ನಿಯಟಿಕ್ ಫ್ಲೂಯಿಡ್  ಎಂಬೋಲಿಸಂ (ಅಂದರೆ  ಗರ್ಭ ನೀರಿನ ರಕ್ತ ಸೇರುವಿಕೆ )ಎಂಬ ಮಾರಣಾಂತಿಕ ಕಾಯಿಲೆ ಇದೆ .ಇದು ನಾವು ಅಲೋಚಿಸುತ್ತಿವ ಹೊತ್ತಿನಲ್ಲಿ  ರೋಗಿಯ ಪ್ರಾಣ ತೆಗೆದು ಕೊಳ್ಳುವುದು ,ಅಲ್ಲದೆ 

ಇದರ ನಿರೀಕ್ಷೆಗೆ  ಯಾವುದೇ  ಟೆಸ್ಟ್ ಇಲ್ಲ ,ಅಲ್ಲದೆ ಇದನ್ನು ಸಮರ್ಥಿಸಲೂ 

ಟೆಸ್ಟ್ ಇಲ್ಲ .ದುರದೃಷ್ಟವಶಾತ್ ರೋಗಿಗೆ ಯಾವುದಾದರೂ  ಸಾಮಾನ್ಯ 

ಚುಚ್ಚು ಮದ್ದು  ಕೊಟ್ಟ ನಂತರ  ಅವರಿಗೆ ಈ ಸಂಗತಿ ಆದರೆ  ಕಾಕ ತಾಳೀಯ 

ಮತ್ತು ಇಂಜೆಕ್ಷನ್ ಮತ್ತು  ನರ್ಸ್ ನಿರಪರಾಧಿ .

  ಇನ್ನೊಂದು  ಬಾಳಂತಿಯರಲ್ಲಿ  ಉಂಟಾಗುವ ದುರಂತ  ರಕ್ತ ಹೆಪ್ಪುಗಟ್ಟದಿರುವುದು .

ಅವಘಡದ ರಕ್ತಸ್ರಾವ  (abruptio placenta ) ಇದು ಮಾಸ ಬಿದ್ದ ಮೇಲೂ ರಕ್ತ 

ಹೆಪ್ಪು ಗಟ್ಟ ದ ಕಾಯಿಲೆ .

ಬಾಳಂತಿ ಯರ ಮೆದುಳಿನ  ರಕ್ತ ಹೆಪ್ಪುಗಟ್ಟುವಿಕೆ  ಎಂಬ ಕಾಯಿಲೆ ಇದೆ ,ಇದರಿಂದ 

ಅಪಸ್ಮಾರ ,ತಲೆನೋವು  ಮತ್ತು ಕೆಲವೊಮ್ಮೆ ಸಾವೂ ಸಂಭವಿಸ ಬಹುದು .

ಮೇಲೆ ಹೇಳಿದ ಕಾಯಿಲೆಗಳು ಅಪರೂಪ ಮತ್ತು  ಮೊದಲೇ ಕಂಡು ಹಿಡಿಯ 

ಬಹುದಾದುವಲ್ಲ , ಇದಕ್ಕೆ  ವೈದ್ಯರು ಮತ್ತು ಸಿಬ್ಬಂದಿಯನ್ನು ನಿಂದಿಸಿ ಫಲವಿಲ್ಲ .

ಹಾಗೆಂದು  ಬರುವ ಗರ್ಭಿಣಿ ಯರನ್ನು  ಈ ಕಾಯಿಲೆಗಳು  ಬಂದರೂ ಬರ 

ಬಹುದು ಎಂದು ಹೆದರಿಸುವುದು ಎಷ್ಟು ಸಾಧು ?

  ಇನ್ನು  ಒಂದು ಕಾಯಿಲೆ ಇದೆ .ಹೃದಯದ ಮಾಂಸ ಖಂಡ ಗಳು ಹುಟ್ಟಿದಾರಭ್ಯ

ದಪ್ಪವಾಗಿದ್ದು  ಏನೂ ತೊಂದರೆ ಪ್ರಕಟ ಪಡಿಸುವುದಿಲ್ಲ .ಆದರೆ ಕೆಲವೊಮ್ಮೆ 

ಅನೀರಿಕ್ಷಿತವಾಗಿ  ಅತಿಯಾಗಿ ಕಂಪಿಸ  ತೊಡಗಿ ,ಹೃದಯ ವೈಫಲ್ಯ ದಿಂದ 

ಸಾವನ್ನಪ್ಪುವರು .ಕ್ರೀಡಾ ಮೈದಾನದಲ್ಲಿ ಸಂಭವಿಸುವ  ಬಹು ಪಾಲು ಸಡನ್ 

ಸಾವುಗಳಿಗೆ ಇದು ಕಾರಣ .ಈ ಸಂಗತಿ ಆಸ್ಪತ್ರೆಯಲ್ಲಿ ಸಂಭವಿಸಿದರೆ  ?

ಇನ್ನೊಂದು ಕಾಯಿಲೆ ಇದೆ .ಕಾಲಿನ ಅಭಿದಮನಿಗಳಲ್ಲಿ ರಕ್ತ  ಹೆಪ್ಪು ಗಟ್ಟಿ  ಆ ಹೆಪ್ಪು  

ಅಲ್ಲಿಂದ ನಿಧಾನವಾಗಿ ಹೃದಯಕ್ಕೆ ಹೋಗಿ ,ಮತ್ತೆ ಶುದ್ಧಿಕರಣಕ್ಕೆ ಶ್ವಾಸ ಕೋಶಕ್ಕೆ 

ಹೋಗುವಾಗ ಅಲ್ಲಿಯ ರಕ್ತ ನಾಳ ಬ್ಲಾಕ್ ಆಗಿ  ರೋಗಿಗೆ ಸಡನ್ ದಮ್ಮು 

ಕೆಲವೊಮ್ಮೆ  ಅನಿರೀಕ್ಷಿತ ಸಾವು ಉಂಟಾಗಬಹುದು .ಬಹಳ ದಿನ ಮಲಗಿರುವ 

ರೋಗಿಗಳಲ್ಲಿ ಇದು ಸಾಮಾನ್ಯ .ಈಗ ಆಸ್ಪತ್ರೆಗಳಲ್ಲಿ  ಈ ತರಹ ಹೆಪ್ಪು  ಗಟ್ಟ ದ 

ಹಾಗೆ  ಚುಚ್ಚುಮದ್ದು ಕೊಡುವರು .

 ಬೇರೆ ಕಾಯಿಲೆಗೆ ದಾಖಲಾದವರಿಗೆ ಹೃದಯಾಘಾತ ಸಂಭವಿಸ ಬಹುದು ,

ಅದರಲ್ಲೂ ನೋವಿಲ್ಲದ (ಸೈಲೆಂಟ್ ) ಹೃದಯಾಘಾತ ಎಂಬುದಿದೆ .ಇದರಿಂದ 

ಮೃತ ಪಟ್ಟರೆ ಹೇಗೆ ಗೊತ್ತಾದೀತು.ಭಾರೀ ಹೃದಯಾಘಾತದಲ್ಲಿ ಇ ಸಿ ಜಿ 

ಮಾಡಲೂ ಸಮಯ ಇರುವುದಿಲ್ಲ .

ವರ ರೂಪದ ಶಾಪ

This is the excellent foppery of the world, that,
when we are sick in fortune,--often the surfeit
of our own behavior,--we make guilty of our
disasters the sun, the moon, and the stars: as
if we were villains by necessity; fools by
heavenly compulsion; knaves, thieves, and
treachers, by spherical predominance; drunkards,
liars, and adulterers, by an enforced obedience of
planetary influence; and all that we are evil in,
by a divine thrusting on: an admirable evasion
of whoremaster man, to lay his goatish
disposition to the charge of a star.”
― William Shakespeare, King Lear

“When we are born, we cry that we are come to this great stage of fools.”
ರಾಮಪ್ಪನದು ಸಂತೃಪ್ತ ಕುಟುಂಬ .ಹೆಂಡತಿ ಮೂರು ಮಕ್ಕಳು .ಭೂ ಸುಧಾರಣೆ 

ಕಾನೂನಿನಡಿ ಸಿಕ್ಕಿದ ಮೂರು ಎಕರೆ ಭೂಮಿ .ಸ್ವಯಂ ದುಡಿದು ಸಂತೋಷದಿಂದ

ಕಾಲಾಪನೆ ಆಗುತ್ತಿತ್ತು.ಅಷ್ಟರಲ್ಲಿ  ಅವನ ಜಮೀನಿನ ಬಳಿ ಹೊಸ ಮಾರುಕಟ್ಟೆಗೆ 

ಹೋಗುವ  ಹೊಸ ರಸ್ತೆ ನಿರ್ಮಾಣದ ಯೋಜನೆ ಬಂದು ರಸ್ತೆಗಾಗಿ ವಶ ಪಡಿಸಿ 

ಕೊಂಡ  ಭೂಮಿಗೆ ಸರಕಾರದಿಂದ  ಭಾರೀ ಪರಿಹಾರ ಸಿಕ್ಕಿತು .ತನಗಿಂತ 

ಅದೃಷ್ಟ ಶಾಲಿ ಯಾರೂ ಇಲ್ಲ ಎಂದು ಕೊಂಡ.ರಸ್ತೆಯ ಯೋಜನೆಗಿಂತ ದೂರ 

ಇದ್ದ ಅವನ ತಮ್ಮಂದಿರು  ಇವನ ಭಾಗ್ಯ ಕಂಡು ಕೈ ಕೈ ಹಿಸುಕಿಕೊಂಡರು.

ಸರಕಾರದಿಂದ ಬಂದ ಹಣದಿಂದ  ರಸ್ತೆ ಪಕ್ಕದಲ್ಲಿ ವಾಣಿಜ್ಯ ಸಂಕೀರ್ಣ ನಿರ್ಮಿಸಿ 

ಬಾಡಿಗೆಗೆ ಕೊಟ್ಟ .ತಾನು ಶ್ರೀಮಂತ ನಾದುದರಿಂದ  ಮಕ್ಕಳಿಗೆ  ದೊಡ್ಡವರ 

ಮನೆಯ ಹೆಣ್ಣು ಮಕ್ಕಳನ್ನೇ ತಂದ . ಅರೋಗ್ಯ ಸರಿ ಇರುವಾಗಲೇ ಮಕ್ಕಳಿಗೆ 

ಅಸ್ತಿ ಹಂಚಿ ಕೊಟ್ಟು  ತಾನು ಎಷ್ಟು ಅದೃಷ್ಟ ವಂತ ಇನ್ನು  ಸುಖಿ ವಿಶ್ರಾಂತ ಜೀವನ 

ಎಂದು ಕೊಳ್ಳುವಷ್ಟರಲ್ಲಿ ರೋಗ ಗ್ರಸ್ತ ನಾಗಿ ಹಾಸಿಗೆ ಹಿಡಿದ . ಅದು ವರೆಗೆ 

ಚೆನ್ನಾಗಿ ನೋಡಿ ಕೊಳ್ಳುತ್ತಿದ್ದ ಮಕ್ಕಳು ಉಪೇಕ್ಷೆ ಮಾಡ ತೊಡಗಿದರು .ದೊಡ್ಡ 

ಶ್ರೀಮಂತ ಕುಟುಂಬದಿಂದ ಬಂದ ಸೊಸೆಯರು ತಮಗೆ ನೋಡಿ ಕೊಳ್ಳಲು  ಆಗದು 

 ವೃದ್ಧಾಶ್ರಮಕ್ಕೆ ಸೇರಿಸಿ ಎಂದು ಗಂಡಂದಿರಿಗೆ ದುಂಬಾಲು ಬಿದ್ದರು .ಸರಿ ಮನೆ 

ಹಿಂಸೆ ಯ ತಾಣ ಆಯಿತು .ಇವರ ಸ್ಥಿತಿ ತಿಳಿದ  ತಮ್ಮ ಬಂದು ತನ್ನ ಗುಡಿಸಲಿಗೆ 

ಕರೆದು ಕೊಂಡು ಹೋಗಿ ಉಪಚಾರ ಮಾಡಿದ . ರಾಮಪ್ಪ ಈಗ ಯೋಚಿಸುತ್ತಿದ್ದಾನೆ 

ಯಾವುದು ಅದೃಷ್ಟ ? ಯಾವುದು ಭಾಗ್ಯ ?

(ನೈಜ ಸಂಗತಿ ಆಧಾರಿತ )

ನ್ಯಾಯಾಂಗಕ್ಕೆ ಭೂಷಣ ಶಾಂತಿ ಭೂಷಣ

ನನಗೆ  ದೇಶದ ಎಲ್ಲಾ ನಾಗರಿಕರಂತೆ  ನ್ಯಾಯಾಂಗದ ಮೇಲೆ  ಬಹಳ

ವಿಶ್ವಾಸ .ಅದರಲ್ಲೂ ಎಚ್ ,ಅರ್.ಖನ್ನಾ ಮತ್ತು  ಜಗ ಮೋಹನ್ ಲಾಲ್

ಸಿನ್ಹಾ ಅವರಂತಹ ನ್ಯಾಯಾಧೀಶರು ನಮ್ಮ ಈ ನಂಬಿಕೆ ಅಲುಗಾಡದಂತೆ

ನಡೆದುಕೊಂಡು ಇತಿಹಾಸ ಸೃಷ್ಟಿಸಿದ್ದಾರೆ .

ಶಾಂತಿ ಭೂಷಣ್ ಪ್ರಸಿದ್ಧ ಅಗ್ರವಾಲ ಕುಟುಂಬದಲ್ಲಿ ಜನಿಸಿದವರು .ವಕೀಲ

ವೃತ್ತಿ ಆರಿಸಿ ಕೊಂಡು ಸೈ ಎನಿಸಿದವರು .  ಪ್ರಸಿದ್ದಇಂದಿರಾ ಗಾಂಧಿಯವರ

ಚುನಾವಣಾ  ಕೇಸ್ ನಲ್ಲಿ  ವಾದಿಸಿ ಗೆದ್ದು ಇತಿಹಾಸ ಸೃಷ್ಟಿಸಿದ ಇವರಿಗೆ  ಉಚ್ಚ

ನ್ಯಾಯಾಲಯದ ನ್ಯಾಯಾಧೀಶ ಹುದ್ದೆ ಅರಸಿ ಬಂದರೂ  ಬಿಟ್ಟವರು .

ಜನತಾ ಪಾರ್ಟಿ ಸರಕಾರದಲ್ಲಿ ಕಾನೂನು ಸಚಿವರಾಗಿದ್ದವರು

ತನ್ನ ಮಗ ಖ್ಯಾತ ವಕೀಲ ಪ್ರಶಾಂತ್ ಭೂಷಣ್  ಜತೆ ಸಾರ್ವಜನಿಕ ಹಿತಾಸಕ್ತಿ

ಯ ಮೊಕದ್ದಮೆಗಳಿಗೆ  ಬಹುತೇಕ ಉಚಿತವಾಗಿ ವಾದಿಸಿ ದನಿ ಇಲ್ಲದವರಿಗೆ

ಮತ್ತು ಜನ ಸಾಮಾನ್ಯನಿಗೆ ದನಿ ಕೊಡುತ್ತಿರುವವರು . ನ್ಯಾಯಾಂಗದಲ್ಲಿ

ಇರುವ ಬ್ರಷ್ಟಾಚಾರದ ಬಗ್ಗೆ ತಂದೆ ಮಗ ಹೋರಾಡುತ್ತಿರುವುದು ಎಲ್ಲರಿಗೂ

ತಿಳಿದ ವಿಷಯ.

ಇವರ  ಆತ್ಮ ಚರಿತ್ರೆ  ಕೋರ್ಟಿ೦ಗ್ ದಿ ಡೆಸ್ಟಿನಿ  ಪುಸ್ತಕ ಓದಿ ಮುಗಿಸಿದ್ದೇನೆ .

ಅದರಿಂದ ಆಯ್ದ ಕೆಲ  ನುಡಿ ಮುತ್ತುಗಳು .

‘ನನ್ನ ದೃಡ ಅಭಿಪ್ರಾಯ ,ಉದ್ಯೋಗವೆಂಬುದು ಮನುಷ್ಯನಿಗೆ ಆತ್ಮ ತೃಪ್ತಿ   

ತಂದು ಕೊಡುವಂತಿರ ಬೇಕು .ಲೌಕಿಕ ಅಭಿವೃದ್ದಿಗೆ  (ಸಂಪಾದನೆ ) ನಂತರದ

ಸ್ಥಾನ.”

“ ಒಬ್ಬ ವಕೀಲನಿಗೆ  ಅರ್ಹ  ಕಕ್ಷಿಗಾರನ ಪರವಾಗಿ  ಕಷ್ಟದ ವ್ಯಾಜ್ಯವನ್ನು

ಅದೂ ಉಚಿತವಾಗಿ  ವಾದಿಸಿ ನ್ಯಾಯ ಒದಗಿಸಿ ಕೊಡುವುದು ,ಕೈ ತುಂಬಾ

ಫೀಸ್ ತಂದು ಕೊಡುವ ದೊಡ್ಡ ಕಕ್ಷಿದಾರ ನಿಗಾಗಿ  ವಾದಿಸುವುದರಿಂದ

ಹೆಚ್ಚು  ಸಂತೃಪ್ತಿ ಕೊಡುವುದು.

ಇವರ ಪತ್ನಿ ಕುಮುದ್ ಅವರು ಕ್ಯಾನ್ಸರ್  ಕಾಯಿಲೆಯಿಂದ  ನಿಧನ ರಾದಾಗ

ಬಂಧುವೊರ್ವರು   ಕಳುಹಿಸಿದ  ಸಂದೇಶ  .

“ಆರಿ ಹೋದ  ಬೆಳಕಿನ ಜ್ವಾಲೆಗಾಗಿ  ಮರುಗದಿರೋಣ

ಅದು  ಇಷ್ಟು ಕಾಲ ಪ್ರಜ್ವಲತೆ ಯಿಂದ ಬೆಳಗಿದ್ದನ್ನು  ಆಚರಿಸೋಣ “

               


ಇವರ  ಪುತ್ರಿ  ಷೆಫಾಲಿ  ಚಲನಚಿತ್ರ ನಿರ್ಮಾಪಕಿ .ಮತ್ತು   www.beatofindia.com  ಸಂಗೀತದ ಜಾಲ ತಾಣ

 ನಡೆಸುತ್ತಿದ್ದಾರೆ
ಒಂದು ತಮಾಷೆ ;    ಶಾಂತಿಭೂಷಣ್  ಲಾ ಮತ್ತು ಕಂಪನಿ ಅಫೇರ್ ಮಂತ್ರಿ

ಆಗಿದ್ದಾಗ  ಒಂಟಿ ವೃದ್ದ ರೋರ್ವರು  ಇವರಿನ್ನು  ಅಫೇರ್ ಗಾಗಿ ಕಂಪನಿ

ಕೊಡಿಸಲು ಗೋಳು ಹೊಯ್ದಿದಿದ್ದರಂತೆ !

ರೋಗದ ಚರಿತ್ರೆ

ರೋಗಿಯ ತಪಾಸಣೆಯಲ್ಲಿ ಮೊದಲ ಮತ್ತು ಪ್ರಾಮುಖ್ಯ ಅಂಗ  ರೋಗ ಚರಿತ್ರೆ.

ಇತರಲ್ಲಿ ಪ್ರಸ್ತುತ ರೋಗದ ವಿವರ ,ಹಳೇ ಕಾಯಿಲೆಗಳು ,ಕುಟುಂಬ ದ ಸದಸ್ಯರ 

ಅನಾರೋಗ್ಯ ಮತ್ತು  ಔಷಧಿ ಸೇವನೆ ವಿವರ ಕೇಳಿ ತಿಳಿಯಬೇಕು .ಇದರಿಂದ 

ರೋಗ ಪತ್ತೆ ಹಚ್ಚುವುದು ಸುಲಭವಾಗುವುದು .ಉದಾಹರಣೆಗೆ ತಂದೆ ತಾಯಿಗೆ 

 ಅಸ್ಥಮಾ ಇದ್ದರೆ ಮಕ್ಕಳಲ್ಲೂ ದಮ್ಮಿಗೆ  ಅದುವೇ ಕಾರಣ ಇರ ಬಹುದು .ಅದೇ 

ರೀತಿ ನೋವಿನ ಔಷಧಿ ತಿನ್ನುವವರಿಗೆ ಹೊಟ್ಟೆ ನೋವು ಬಂದರೆ ಅದು  ಗ್ಯಾಸ್ಟ್ರಿಕ್ 

ಇರ ಬಹುದು .

  ಕೆಲವು  ವಿವಾಹಿತ ಮಹಿಳೆಯರು  ತಲೆ ನೋವು ಎಂದು ಬರುತ್ತಾರೆ .ಅವರಿಗೆ 

ನಾವು ನಿಮ್ಮ ಗಂಡ ಎಲ್ಲಿ ಇರುವುದು ಎಂದು ಕೇಳುತ್ತೇವೆ .ತಲೆ ನೋವಿಗೂ 

ಗಂಡನಿಗೂ ಎಲ್ಲಿಯ ಸಂಭಂದ ಎಂದು ನೀವು ಕೇಳ ಬಹುದು .ಉಂಡಾಡಿ 

ತಲೆಹರಟೆ ಗಂಡ ತಲೆ ಶೂಲೆಗೆ ಕಾರಣ ಇರ ಬಹುದಾದರೂ  ಗಂಡ ದೂರದ 

ಊರಿನಲ್ಲಿ ಇರುವುದು (ಇದನ್ನು ನೀವು ಬೇಕಾದರೆ ಗಂಡಾಂತರ ಎಂದು ಕರೆಯಿರಿ 

ಗಂಡ  ಹೆಂಡತಿ ನಡುವೆ ದೂರದ ಅಂತರ )ಬಹಳ ಮಂದಿ  ಹೆಂಗಳೆಯರ ತಲೆ 

ನೋವಿಗೆ  ನಿಜಕ್ಕೂ ಕಾರಣ .ಗಲ್ಫ್ ನಾಡಿನಲ್ಲಿ ಏಕಾಂಗಿಯಾಗಿ ನೆಲೆಸಿರುವ 

ಪತಿಯಂದಿರ ಕುಟುಂಬದಲ್ಲಿ  ಕಂಡು ಬರುವ ಕಾಯಿಲೆ .ವೈದ್ಯ ಶಾಸ್ತ್ರದಲ್ಲಿ 

ಇದನ್ನು ಉದ್ವೇಗದ ತಲೆನೋವಿನ  ಗುಂಪಿಗೆ ಸೇರಿಸಿದ್ದಾರೆ .

  ಈ ಪರಿಯಲ್ಲಿ ಚರಿತ್ರೆ ಕೇಳುವಾಗ ನಮ್ಮ ಗಮನ ಮುಖ್ಯ ಕತೆಯಿಂದ ದೂರ 

ಹೋಗುವುದೂ ಇದೆ.ಉದಾಹರಣೆಗೆ ಒಬ್ಬರು ಕಾಲು ನೋವಿಗೆ ಔಷಧಿಗೆಂದು 

ಬಂದ ಅಜ್ಜಿ .ತಾನು ಉಪ್ಪಿನಕಾಯಿಯನ್ನು ತೆಗಯಲು ಸ್ಟೂಲ್ ಇಟ್ಟು ಭರಣಿಗೆ

ಕೈ ಹಾಕುವಷ್ಟರಲ್ಲ್ಲಿ ಜಾರಿ ಬಿದ್ದೆ ಎಂದು ಹೇಳಿದಾಗ ನನಗೆ ಅವರ ಕಾಲು ನೋವು 

ಮರೆತು ಉಪ್ಪಿನ ಕಾಯಿ ಭರಣಿಗೆ ಏನಾಯಿತು ,ಕಡೆಗೆ ಊಟಕ್ಕೆ ಉಪ್ಪಿನ ಕಾಯಿ 

ಸಿಕ್ಕಿತೋ ಎಂಬೆಲ್ಲಾ ಪ್ರಶ್ನೆಗಳು ಉದ್ಭವಿಸುತ್ತವೆ .ಇದೇ ರೀತಿ ಹಾಲು ಕರೆಯಲು 

ಕರುವನ್ನು ಹಸುವಿನ ಬಳಿ ಕೊಂಡು ಹೋಗುವಾಗ  ಹಗ್ಗ ಕಾಲಿಗೆ ಸಿಕ್ಕಿ ಬಿದ್ದೆ  

ಎಂದಾಗ ಕರುವಿಗೆ ಏನಾಯಿತು ? ಹಾಲು ಕರೆದರೇ ಬಿಟ್ಟರೇ ಎಂಬ ಕುತೂಹಲ .


      ನಾಯಿ ಕಚ್ಚಿ  ರಕ್ತ ಸ್ರಾವ ಮತ್ತು ನೋವಿನಿಂದ  ರೋಗಿ ಬಂದಾಗ ನಾಯಿಯ 

ಅರೋಗ್ಯ ಹೇಗಿದೇ? ಎಂದು ಕೇಳಿದರೆ  ರೋಗಿಯು ನಾನು ಇಲ್ಲಿ ನೋವಿಂದ 

 ಸಾಯ ಬಿದ್ದಿರುವಾಗ ಇವರಿಗೆ ನಾಯಿಯ ಆರೋಗ್ಯದ ಚಿಂತೆ .ಅಲ್ಲದೆ ಚುಚ್ಚಿಸಿ  

ಕೊಂಡು ಹೋಗುವಾಗ ನಾಯಿಯನ್ನು ಚೆನ್ನಾಗಿ ಗಮನಿಸಿ ಅದಕ್ಕೆ ಏನಾದರೂ 

ಆದರೆ ಕೂಡಲೇ ಬರುವುದು ಎಂದಾಗ ಅವರ ಸಿಟ್ಟು ಇನ್ನೂ ಏರದಿರುತ್ತದೆಯೇ ?

                       ವೈದ್ಯ ವಿದ್ಯಾರ್ಥಿಗಳು ರೋಗ ಚರಿತ್ರೆ ತೆಗೆದು ಕೊಳ್ಳುವಾಗ 

ಹೀಗೆ ಆಗುವುದುಂಟು ,ಉದಾಹರಣೆಗೆ ಮರದಿಂದ ಬಿದ್ದು ಗಾಯವಾಗಿ ಬಂದವನ 

ಬಳಿ ನಿಮ್ಮ ಮನೆಯಲ್ಲಿ ಯಾರಾದರೂ ಮರದಿಂದ ಬಿದ್ದಿದ್ದಾರೆಯೇ .ಅಥವಾ 

ಹಾವು ಕಡಿದು ಬಂದವರ ಬಳಿ ನಿಮ್ಮ ಮನೆಯಲ್ಲಿ ಹಾವು ಕಚ್ಚಿದ ಇತಿಹಾಸ 

ಇದೆಯೇ  ಇತ್ಯಾದಿ ಕೇಳಿದರೆ ತಪ್ಪಿಲ್ಲದಿದ್ದರೂ  ಅಭಾಸ ವಾಗುವುದು 

ಬಾಲಂಗೋಚಿ : ಮೊನ್ನೆ  ಬಸ್ಸಿನಲ್ಲಿ   ಪುತ್ತೂರಿನಿಂದ ಮಂಗಳೂರಿಗೆ 

 ಪ್ರಯಾಣಿಸುತ್ತಿದ್ದೆ .ನನ್ನ ಮುಂದಿನ ಸೀಟಿನಲ್ಲಿ ಕುಳಿತವರ ಸಂಭಾಷಣೆ .

ನಿಮ್ಮ  ಅತ್ತೆ ಹೇಗಿದ್ದಾರೆ ? 

'ಅವರೋ ಅವರ ಕತೆ ಏನು ಹೇಳುವುದು ,ಯಾವ ಡಾಕ್ಟರಿಗೆ ತೋರಿಸಿದರೂ 

ರೋಗದ  ಮೂಲ ತಿಳಿಯಲಿಲ್ಲ .ಕೊನೆಗೆ ಪುತ್ತೂರಿನಲ್ಲಿ  ಎ ಪಿ ಭಟ್ ಎಂಬವರಿಗೆ 

ತೋರಿಸಿದೆ .ಐದೇ ದಿನದ ಚಿಕಿತ್ಸೆ .

ಏನು ಗುಣವಾಯಿತೋ?

ಇಲ್ಲ ದೇವರ ಪಾದ ಸೇರಿದರು .

ಹೌದಾ ಮಾರಾಯರೇ ನನಗೂ ಅವರ ಅಡ್ರೆಸ್ ಕೊಡಿ ,ನನ್ನ ಅತ್ತೆಯನ್ನು ತೋರಿಸ 

ಬೇಕು .ಅಂದ ಹಾಗೆ ರಶ್ ಇರುತ್ತದೋ .

:ಇಲ್ಲಪ್ಪ ,ಸುಮ್ಮನೆ ಕಂಪ್ಯೂಟರ್ ನಲ್ಲಿ ಕುಟ್ಟುತ್ತಾ ಇರುತ್ತಾರೆ .ಟೋಕನ್ ಏನೂ 

ಬೇಡ .

ಧಾರವಾಡದ ಕೆಲವು ನೆನಪುಗಳು

ಕೊನೆಯ ಮೂರೂ ತಿಂಗಳು ಹೌಸ್ ಸರ್ಜನ್ಸಿ  ಧಾರವಾಡ ಸಿವಿಲ್ ಆಸ್ಪತ್ರೆಯಲ್ಲಿ .

ಅಲ್ಲಿ ಪಿ ಜಿ ಗಳು ಇಲ್ಲ .ಅಸಿಸ್ಟೆಂಟ್ ಸರ್ಜನ್ ಗಳ ನಂತರ ನಾವೇ ಎಲ್ಲ .

ನಮಗೆ ಕೆಲಸ ಕಲಿಯಲು ಅನುಕೂಲ  ಇದರಿಂದ ಅನುಕೂಲ ಆಯಿತು .ನಾನು 

ಆಸ್ಪತ್ರೆಯ ಒಂದು ಖಾಲಿ ಬಾತ್ ರೂಂ ನಲ್ಲಿ ವಾಸ ಮಾಡುತ್ತಿದ್ದೆ .ಇ ಸಿ ಜಿ ಯಂತ್ರ 

ನನ್ನ ಸುಪರ್ದಿಯಲ್ಲಿ .ಆದುದರಿಂದ ನನಗೆ ಇ ಸಿ ಜಿ ಮಾಡಿ ಓದಲು ಅಭ್ಯಾಸ 

ಆಯಿತು .ದಿನ ರಾತ್ರಿ ಆಸ್ಪತ್ರೆಯಲ್ಲಿ ನೆಲೆಸಿ ಕಾಲ್ ತೆಗೆದು ಕೊಳ್ಳುತ್ತಿದ್ದೆ .ಆಗ 

ಕಲಿಯುವ ಉತ್ಸಾಹ ,ಬಡ ರೋಗಿಗಳಿಗೆ ಸಾಂತ್ವನ  ನೀಡುವ ಆದರ್ಶ .ಆಯಾಸ 

ಸುಳಿಯದು .ಮಕ್ಕಳ ವಾರ್ಡಿನಲ್ಲಿ  ಇಂಜೆಕ್ಷನ್ ಕೊಡಲು ರಕ್ತ ನಾಳ ಸಿಗದೇ ಇದ್ದಲ್ಲಿ 

ಕಟ್ ಡೌನ್ ಎಂಬ ಸಣ್ಣ ಶಸ್ತ್ರ ಚಿಕಿತ್ಸೆ ಮಾಡುತ್ತಿದ್ದೆವು .ಸಣ್ಣ ಸಣ್ಣ  ಎಲುಬು ಮುರಿತ .

ಕೀಲು ತಪ್ಪುವಿಕೆ ನಾವೇ ಸರಿ ಪಡಿಸುವ ಅವಕಾಶ .

  ಹೆರಿಗೆ ಮಾಡಿಸುವುದು ನಾವೇ ,ಏನಾದರೂ ಸಮಸ್ಯೆ ಇದ್ದರೆ ಹಿರಿಯ ವೈದ್ಯರನ್ನು 

ಕರೆಯುತ್ತಿದ್ದೆವು .ಆಗ ಸ್ಕ್ಯಾನ್ ಇರಲಿಲ್ಲ . ಒಮ್ಮೆ ಡೆಲಿವರಿ ಮಾಡಿಸುವಾಗ ಒಂದು 

ಮಗು ಜನನವಾಗಿ ಮಾಸ ಬೀಳಲು ಎದುರು ನೋಡುವಾಗ ಇನ್ನೊಂದು ಮಗುವಿನ

ಆಗಮನ ಆಯಿತು .ತಂದೆ ತಾಯಿಗಳಿಗೆ ಭಾರೀ ಸಂತೋಷ ,ನನಗೆ ಒಂದು ಮೂಟೆ

ಧಾನ್ಯ ತಂದು ಕೊಟ್ಟರು .ಅವರಿಗೆ ರಾಮ ಲಕ್ಷ್ಮಣ ಎಂದು ನನ್ನ ಸಲಹೆ  ಮೇರೆಗೆ 

ಹೆಸರು ಇಟ್ಟರು.ಇನ್ನೊಮ್ಮೆ ಜನಿಸಿದ ಮಗು ಹಾಲು ಕುಡಿದ ಕೂಡಲೇ ಹೊರ 

ಬರುತಿದ್ದು ಕೆಮ್ಮು ಬರುತ್ತಿತ್ತು .ನಾವೇ ಡಾ ಪಾಟೀಲ ಎಂಬ   ರೇಡಿಯಾಲಜಿಸ್ಟ್

ಅವರ ಸಾರಥ್ಯದಲ್ಲಿ  dye ಹಾಕಿ  ಎಕ್ಷರೇ ಮಾಡಿದಾಗ  ಅನ್ನ ನಾಳ ವು  ಅಪೂರ್ಣ 

ವಾಗಿರುವ ಅಂಶ ತಿಳಿದು ಬಂತು .ಮಗುವನ್ನು ಹುಬ್ಬಳ್ಳಿ ಕೆ ಎಂ ಸಿ ಗೆ  ಕಳುಹಿಸಿದೆವು .

ಸಿವಿಲ್ ಆಸ್ಪತ್ರೆಯಲ್ಲಿ  ದಾದಿಯರ  ಟ್ರೇನಿಂಗ ಸ್ಕೂಲ್ ಇದ್ದು ನಾನು  ಅವರಿಗೆ 

ಗೌರವ  ಅಧ್ಯಾಪಕ ಆದೆ .ಇದರಿಂದ ನನಗೆ ಪಾಠ ಮಾಡುವ ಅಭ್ಯಾಸ ಆಯಿತು .

ಅಲ್ಲದೆ  ನರ್ಸ್ ಗಳಿಗೆ  ಆಗಿ ಬರೆದ ಶ್ರೇಷ್ಠ  ಗ್ರಂಥ  ಮಾರ್ಗರೆಟ್  ಮೈಲ್ಸ್ ಅವರ 

ಮಿಡ್ ವೈಫರಿ ಯ ಅಧ್ಯಯನ ಮಾಡುವ ಅವಕಾಶ ಆಯಿತು .ನಾನು ಧಾರವಾಡ 

ಬಿಡುವಾಗ  ನರ್ಸಿಂಗ್ ವಿದ್ಯಾರ್ಥಿನಿಯರು  ನನಗೆ ಭಾವ ಪೂರ್ಣ ವಿಧಾಯ 

ಕೋರಿದರು .

ಸಿವಿಲ್ ಆಸ್ಪತ್ರೆಯಲ್ಲಿ ಡಾ ,ಗಜಾನನ ಗುಡಿಗಾರ್ ಎಂಬ  ಪಿಸಿಶಿಯನ್ ಇದ್ದರು .

ನಾನು ಕಂಡ ಅತಿ ಶ್ರೇಷ್ಠ ವೈದ್ಯರಲ್ಲಿ ಒಬ್ಬರು ,ಕ್ರಮ ಪ್ರಕಾರ ಪರೀಕ್ಷೆ ,ಅಗಾಧ 

ಜ್ಞಾನ. ಮುತ್ತಿನಂತಹ ಕೈಬರಹ ,ನಾನು ಅವರ  ಶಿಷ್ಯ ವೃತ್ತಿ ಸ್ವೀಕರಿಸಿ 

ಬಹಳ ಕಲಿತೆ ಮಾತ್ರವಲ್ಲ  ಮೂರು ತಿಂಗಳು ಅವರ ಮನೆಯಲ್ಲಿ ಊಟ ಉಪಚಾರ 

ಸ್ವೀಕರಿಸಿದೆ .ಅವರ ಪತ್ನಿ ಅಸ್ಪತ್ರೆಯ ಸ್ತ್ರೀ ರೋಗ ತಜ್ಞೆ .ನನ್ನನ್ನು ಸ್ವಂತ 

ತಮ್ಮನಂತೆ ನೋಡಿ ಕೊಂಡರು. ಗುಡಿಗಾರ್ ಅವರು ಕಾರವಾರ ದವರು .ಮೀನು 

ಎಂದರೆ ಪ್ರಾಣ .ನಾನು ಹುಬ್ಬಳ್ಳಿಗೆ ಹೋದಾಗ  ಫಿಷರೀಸ್ ಡಿಪಾರ್ಟ್ಮೆಂಟ್ ನ 

ಅಂಗಡಿಯಿಂದ  ಅವರಿಗೆ ಮೀನು ಖರೀದಿಸಿ ತಂದು ಕೊಡುತ್ತಿದ್ದೆ .ನೋಡಿ ನಾನು 

ಹೇಳಿ ಕೇಳಿ ಬ್ರಾಹ್ಮಣ .ನಾನು ಮಾಡುತ್ತಿದ್ದುದು ಗುರು ಸೇವೆ ಮಾತ್ರ .

     ಸಿವಿಲ್ ಆಸ್ಪತ್ರೆ ಊರಿನ ಹೊರ ಭಾಗದಲ್ಲಿ ಇತ್ತು .ಅಲ್ಲ್ಲಿಗೆ ರಸ್ತೆ ಇದ್ದರೂ 

ಬಸ್ ಸೌಕರ್ಯ ಇರಲಿಲ್ಲ .ಅದಕ್ಕೆ ಒಂದು ಅರ್ಜಿ ಬರೆದು ಹಲವು ರೋಗಿಗಳ 

ಸಹಿ ಹಾಕಿಸಿ ಹುಬ್ಬಳ್ಳಿ ವಿಭಾಗ ಅಧಿಕಾರಿಗಳಿಗೆ ಸಲ್ಲಿಸಿದೆವು .ಈಗ ಅಲ್ಲಿ  ಸಿಟಿ 

ಬಸ್ ಆರಂಭವಾಗಿರಬೇಕು .ಧಾರವಾಡ ದಲ್ಲಿ ಇದ್ದಾಗ ಲೇಖಕ ಶ್ರೀ ಬಸವರಾಜ 

ಕಟ್ಟಿಮನಿ ಆಸ್ಪತ್ರೆಯಲ್ಲಿ ಒಳ ರೋಗಿ ಆಗಿ ಚಿಕಿತ್ಸೆ ಪಡೆಯುತ್ತಿದ್ದರು . ಅವರ 

ಭೇಟಿ ಭಾಗ್ಯ ಸಿಕ್ಕಿತು .ಆಗ ತಾನೇ  ಕರ್ನಾಟಕ ವಿಶ್ವ ವಿದ್ಯಾಲಯಕ್ಕೆ ಉಪ 

ಕುಲ ಪತಿ ಗಳಾಗಿ ಬಂದಿದ್ದ ಡಾ ನಂಜುಂಡಪ್ಪನವರನ್ನು ಹೊರ ರೋಗಿಯಾಗಿ 

ನೋಡಿದ ನೆನಪು .ಎಂತಹ ಶೇಷ್ಟ ವ್ಯಕ್ತಿಗಳು

ಧಾರವಾಡದಲ್ಲಿ   ವಿದ್ಯಾವರ್ಧಕ ಸಂಘದ  ಕಾರ್ಯಕ್ರಮಗಳಿಗೆ ವಿದ್ಯಾರ್ಥಿಯಾಗಿ

ದ್ದಾಗಲೇ  ಹಾಜರಾಗುತ್ತಿದ್ದ ನಾನು ಅದನ್ನು ಸಾಧ್ಯವಾದಷ್ಟು ಮುಂದು ವರಿಸಿದೆ .

ಅಲ್ಲಿ  ಶೇಷ್ಟ ಬರಹಗಾರರಾದ  ಯು ಅರ್ ಅನಂತ ಮೂರ್ತಿ ,ಲಂಕೇಶ್ ,ಅಡಿಗ 

ಇವರನ್ನು ಕಂಡು ಕೇಳುವ ಅವಕಾಶ .ಆಗ ಚಂಪಾ ಕಾರ್ಯದರ್ಶಿ ,ಅವರ 

ಮೊನಚಾದ ಟ್ರೇಡ್ ಮಾರ್ಕ್ ಪ್ರಶ್ನೆಗಳು .ಬಹಳ ಚೇತೋಹಾರಿ .ಅನಂತ 

ಮೂರ್ತಿ ಯವರನ್ನು  ತುರ್ತುಪರಿಸ್ಥಿತಿಯ ಸಮಯದಲ್ಲಿ ನೀವು ಏಕೆ ಪ್ರತಿಭಟನೆ 

ಮಾಡಲಿಲ್ಲ ಎಂದು ಕೇಳಿದ್ದಕ್ಕೆ ಅವರು ತಾನು ಸಿಗರೆಟ್ ಸೇದಿ ಅದರ ತುಂಡುಗಳನ್ನು  

ಟಪಾಲ್ ಪೆಟ್ಟಿಗೆ ಒಳಗೆ ಹಾಕುತ್ತಿದ್ದ್ದೆಎಂದರು!ಎಂತಹ ಪ್ರತಿಭಟನೆ .ದೊಡ್ಡವರ 



ರೀತಿ .

ಆಸ್ಪತ್ರೆಯ  ನವಜಾತ ಶಿಶು ವಿಭಾಗ ಇನ್ನೂ ಶೈಶವ ಅವಸ್ಥೆಯಲ್ಲಿ  ಇತ್ತು . ಅಲ್ಲಿಗೆ 

ನನ್ನ ಷ್ಟಯಿಪೆಂಡ್ ಹಣದಲ್ಲಿ  ಒಂದು ಹೀಟರ್  ತಂದು ಕೊಟ್ಟು ನನ್ನ ಅಳಿಲ 

ಸೇವೆ  ಮಾಡಿದೆ .

ಹೌಸ್ ಸರ್ಜೆನ್ಸಿ ನೆನಪುಗಳು ೨

ಹೌಸ್ ಸರ್ಜೆನ್ಸಿ ಆರಂಭವಾದ  ದಿನಗಳು.ಗೊತ್ತಿದ್ದುದು ಪರೀಕ್ಷೆ ಪಾಸಾಗಲು  ಬೇಕಾದ  ಕೆಲವು  ವಿಚಾರಗಳು.ಮೆಡಿಸಿನ್ ಪೋಸ್ಟಿಂಗ್ .ಒಂದು ದಿನ ಮಧ್ಯಾಹ್ನ ನಮ್ಮ ಯೂನಿಟ್ ನ ಓ ಪಿ ಮುಗಿಸಿ ಸುಸ್ತಾಗಿ ವಾರ್ಡಿಗೆ ಬಂದು ಕೇಸ್ ಶೀಟ್ ಬರೆಯುತ್ತಿದ್ದೆ . ಆಯಾ ಒಬ್ಬಳು ಕಾಲ್ ಬುಕ್ ಹಿಡಿದು ಕೊಂದು ಓಡಿ ಬಂದಳು.ನಾಲ್ಕನೇ ಯೂನಿಟ್ ನ  ಒಬ್ಬ ರೋಗಿ ಸೀರಿಯಸ್ ಕೂಡಲೇ ಬರುವುದು .ಎಂಬ ವಾರೆಂಟ್ .ಹತ್ತಿರ ಪಿ ಜಿ ಗಳಾಗಲೀ ಅಧ್ಯಾ  ಪಕ ರಾಗಲಿ  ಯಾರೂ ಇರಲಿಲ್ಲ .ಏನೂ ಮಾಡುವಂತಿಲ್ಲ ,ಯುದ್ಧಕ್ಕೆ ಹೋರಟ ಉತ್ತರ ಕುಮಾರನಂತೆ ಸ್ತೆತೋಸ್ಕಾಪ್ ತೆಗೆದು ಕೊಂಡು ಓಡಿದೆ .ರೋಗಿ ಉಸಿರಾಡಲು ಆಗದೆ ಚಡಪಡಿಸುತ್ತಿದ್ದ  . ಬೇರೆ ಯೂನಿಟ್ ನ ಕೇಸ್ ನನಗೆ ಹೊಸತು .ಕೇಸ್ ಶೀಟ್ ನೋಡಿದೆ .ಅರ್ಥ ಆಗಲಿಲ್ಲ .ಪರೀಕ್ಷೆಗೆ ಓದಿದ ಸಾವಿರಾರು ರೋಗಗಳು ಕಣ್ಮುಂದೆ 
ಬಂದವು .ರೋಗಿಯ ಪರೀಕ್ಷೆ ಹೇಗೆ ಅರ೦ಬಿಸುದು ?ಕ್ರಮ ಪ್ರಕಾರ  ನೋಡು ,ಮುಟ್ಟು .ತಟ್ಟು,ಮತ್ತು ಕೇಳು (inspection,palpation ,percussion.ascultation) ಕ್ರಮ ವೋ ,ಹಾಗಾದರೆ ಯಾವ ಅಂಗ ದಿಂದ ಆರಂಭಿಸುವುದು ಇತ್ಯಾದಿ ಎಲ್ಲಾ ತಲೆಯಲ್ಲಿ  ಓಡುತ್ತಿದ್ದಂತೆ ರೋಗಿ  ಸ್ಥಿತಿ ನಿಮಿಷ 
ನಿಮಿಷಕ್ಕೆ  ಗ೦ಭೀರವಾಗುತ್ತಿತ್ತು . ರೋಗಿಗಳ ಬಂಧುಗಳು ,ಸ್ಟಾಫ್ ನರ್ಸ್ ನನ್ನನ್ನೇ  ನೋಡುತ್ತಿದ್ದರು .ಆಗ ಈಗಿನಂತೆ ಮೊಬೈಲ್ ಫೋನ್ ಇರಲಿಲ್ಲ .ಇದ್ದರೆ ಪಿ ಜಿ ಗಾದರೂ ಕೇಳ ಬಹುದಿತ್ತು .ನಾನು ಏನು ಮಾಡಿದೆನೋ ಏನು ಕೊಟ್ಟೆನೋ ನನ್ನ 
ಕಣ್ಣೆದುರೇ ಆತ ಕೊನೆಯುಸಿರು ಎಳೆದ .ಎಂ ಬಿ ಬಿ ಎಸ ಪಾಸಾಗಿ ಬೀಗುತ್ತಿದ್ದ 
ನನಗೆ  ನನ್ನ ಭಂಡವಾಳದ ಅರಿವಾಯಿತು .ಆ ಯೂನಿಟ್ ನ  ಪ್ರೊಫೆಸರ್ ನನ್ನನ್ನು 
ಕರೆದು ಸಹಸ್ರನಾಮ ಮಾಡುವರು ಎಂದು ಕೊಂಡು ಡೆತ್ certify ಮಾಡಿ ಹೋದೆ .
ಆಮೇಲೆ ಯಾರೂ ಈ  ವಿಷಯ ನನ್ನಲ್ಲಿ ಕೇಳಲಿಲ್ಲ .ಕ್ರಮೇಣ ಇಂತಹ ತುರ್ತುಪರಿಸ್ಥಿತಿಯನ್ನು ನಿಭಾಯಿಸುವ ಅನುಭವ ಆಯಿತೆನ್ನಿ .
  ಡಾ. ಎಸ ಏನ್ ಕೌಲ್ ಗುಡ್ ಬಗ್ಗೆ ನನ್ನ ಬ್ಲಾಗ್ ನಲ್ಲಿ ಮೊದಲೇ ಬರೆದಿರುವೆನು .ನನ್ನ ಪೋಸ್ಟಿಂಗ್ ಅವರ ಯೂನಿಟ್ ನಲ್ಲಿ .ಅವರು ಭಾವಜೀವಿ .ಬೇಗ ಕೋಪ ,ಅಷ್ಟೇ ಬೇಗ ಶಾಂತ .ರೋಗಿಯ ಗಂಡಂದಿರು ಪತ್ನಿಯ ಬಗ್ಗೆ ಅನಾಸ್ತೆ ತೋರಿದರೆ ಎರಡು ಬಿಗಿದದ್ದೂ ,ತಾವೇ ರೋಗಿಗಳಿಗೆ ರಕ್ತ ಕೊಟ್ಟದ್ದೂ ಇದೆ. ಪಿ ಜಿ ಗಳ ಸಣ್ಣ ಸಣ್ಣ ತಪ್ಪುಗಳಿಗೆ  ದೊಡ್ಡ ದನಿಯಲ್ಲಿ ಬಯ್ಯುವರು .ಒಂದು ದಿನ ಪಿ ಜಿ ಒಬ್ಬಾಕೆ ಡಿ ಅಂಡ್ ಸಿ ಮಾಡುವಾಗ ಗರ್ಭಕೋಶ ತೂತು ಆಯಿತು .ಹೆದರಿ ಪ್ರೊಫೆಸರ್ ಗೆ ಹೇಳಿದಾಗ 
ಕೂಲಾಗಿ ಬಂದು ಧೈರ್ಯ ಹೇಳಿ ಅದನ್ನು ಸರಿ ಪಡಿಸಿ ಕೊಟ್ಟರು .ಎಂತಹ ಸರ್ಜನ್! 
 ಓ ಟಿ ಯಲ್ಲಿ ಅವರಿಗೆ ಸಹಾಯಕನಾಗಿ ಕೆಲಸ ಮಾಡುವಾಗ ಎಂತಹ ಕ್ಲಿಷ್ಟ ಶಸ್ತ್ರಕ್ರಿಯೆಗಲೂ ಮಕ್ಕಳ ಆಟದಂತೆ ತೋರುತ್ತಿದ್ದವು .
 ಹೆರಿಗೆ ವಾರ್ಡ್ ನಲ್ಲಿ ಕೆಲವು ಅನಾಥ ಮಕ್ಕಳು ಇದ್ದುವು .ಅವರನ್ನು ವಾರ್ಡಿನ ಸ್ಟಾಫ್  ತಮ್ಮ ಮಕ್ಕಳಂತೆ ಮುದ್ದಾಗಿ ಸಾಕುತ್ತಿದ್ದರು .ಅವರ ಹುಟ್ಟಿದ ಹಬ್ಬಕ್ಕ್ಕೆ ಸ್ವಂತ ಹಣ ಹಾಕಿ ಡ್ರೆಸ್ ಸಿಹಿ ತಿಂಡಿ ತರುತ್ತಿದ್ದರು.ಮಕ್ಕಳಿಲ್ಲದವರು ದತ್ತು ತೆಗೆದು ಕೊಂದು ಹೋದ  ಮಕ್ಕಳು ಅನೇಕರು ಇಂದು ದೇಶ ವಿದೆಶಗಳಲ್ಲಿ ಸುಖ ವಾಗಿ ಜೀವಿಸುತ್ತಿರ ಬಹುದು .ಅವರಿಗೆ ಈ ಅಮ್ಮಂದಿರ ತ್ಯಾಗ ಸೇವೆ ಯ ಅರಿವು ಇರದು .


    ಮಕ್ಕಳ ವಾರ್ಡಿನಲ್ಲಿಯೂ ಕೆಲವು ಮಕ್ಕಳು ಗುಣಮುಖವಾಗದ ಧೀರ್ಘಕಾಲದ 
ಕಾಯಿಲೆ (ಉದಾ ಮಕ್ಕಳ ಸಕ್ಕರೆ ಕಾಯಿಲೆ .ಇದಕ್ಕೆ ಇನ್ಸುಲಿನ್ ದಿನಾಲೂ ಚುಚ್ಚಬೇಕು .ಹಳ್ಳಿಯಲ್ಲಿ ದಿನಾಲೂ ಇಂಜೆಕ್ಷನ್ ತೆಗೆದು ಕೊಳ್ಳುವುದು ಕಷ್ಟ .ಅಲ್ಲದೆ ಹಣ ದ ಸಮಸ್ಯೆ ) ಯಿಂದ ಬಳಲುವ  ಮಕ್ಕಳು ಇದ್ದರು .ಆಗ ಡಾ ಮಾಲತಿ ಯಶವಂತ್ ಎಂಬವರು ಮಕ್ಕಳ ವಿಭಾಗದ ಮುಖ್ಯಸ್ಥರು .ಅವರ ಅನುಮತಿ ಪಡೆದು 
ಅಂತಹ ಮಕ್ಕಳಿಗೆ ಬಿಡುವಿನ ವೇಳೆಯಲ್ಲಿ ಅಕ್ಷರಾಭ್ಯಾಸ  ಮಾಡ ತೊಡಗಿದೆವು .
ನನ್ನ ಜೊತೆ ಡಾ ಸಂಜೀವ ಕುಲಕರ್ಣಿ (ಈಗ ಧಾರವಾಡದ ಪ್ರಸಿದ್ಧ ಸ್ತ್ರೀ ರೋಗ ತಜ್ಞರು ),ಡಾ ಇಕ್ಬಾಲ್ ಮನಿಯಾರ್ ,ಮತ್ತು ಕೆಲವು ಸ್ನೇಹಿತರು ಇದ್ದ ನೆನಪು .ಕಾರ್ಯಕ್ರಮ ಚೆನ್ನಾಗಿ ನಡೆಯಿತು .ಆಗ ವಿಭಾಗದಲ್ಲಿ ಇದ್ದ  ಇನ್ನೊಬ್ಬ ಪ್ರಾಧ್ಯಾಪಕರು ನಮ್ಮನ್ನು ಅಪಹಾಸ್ಯ ಮಾಡುತ್ತಿದರು ,ಅವರು ಈ ಮಕ್ಕಳನ್ನು ತಮ್ಮ ಮನೆಕೆಲಸಕ್ಕೆ  ಉಪಯೋಗಿಸುತ್ತಿದ್ದರಲ್ಲದೆ  ಹಾಗೆ ಮಾಡದಿದ್ದರೆ  ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮಾಡುವುದಾಗಿ  ಧಮಕಿ ಹಾಕುತ್ತಿದ್ದರು .ನಮ್ಮ  ಕ್ಲಾಸ್ ಗಳಿಂದ ಅವರ ಮನೆ ಕೆಲಸಕ್ಕೆ ಸ್ವಲ್ಪ ತೊಂದರೆ ಆಯಿತು ಎಂದು ಕಾಣುತ್ತದೆ ,ಇದೇ ವ್ಯಕ್ತಿ ರೇಡಿಯೋ ,ಪತ್ರಿಕೆಯವರನ್ನು ನಾವು ಈ ಮಕ್ಕಳಿಂದ ಏರ್ಪಡಿಸಿದ್ದ ಮಕ್ಕಳ ದನ  ಕಾರ್ಯಕ್ರಮಕ್ಕೆ ಕರೆಸಿ ತಮ್ಮದೇ ಕಾರ್ಯಕ್ರಮ ವೆಂದು ಬಿಂಬಿಸಿದರು .ಈ ವ್ಯಕ್ತಿಯ ಪತ್ನಿ ಕೂಡ ನಮ್ಮ ಪ್ರಾಧ್ಯಾಪಕರಾಗಿದ್ದು ತುಂಬಾ ಒಳ್ಳೆಯವರು.

                    

                                                                    

 ಇದು ಡಾ ಮಾಲತಿ ಯಶವಂತ್ ಅವರು ನನಗೆ ಕೊಡಮಾಡಿದ  ಸರ್ಟಿಫಿಕೇಟ್ .

ಸರ್ಜರಿ ವಾರ್ಡ್ ನಲ್ಲಿ  ಬೆಳಿಗ್ಗೆ ಸಾಲಾಗಿ ಡ್ರೆಸ್ಸಿಂಗ್ ಕೆಲಸ .   ದ್ರೆಸ್ಸ್ಸಿಂಗ್ ಟ್ರೇ ಹಿಡಿದು ಒಬ್ಬ ಸಹಾಯಕ .ಅದರಲ್ಲಿ dettol  ದ್ರಾವಣ ದ  ಒಂದು ಪಾತ್ರೆ . ಗಾಯ ತೊಳೆದು ಡ್ರೆಸ್ಸಿಂಗ್ ಬದಲಿಸಿ   ಕೈ ದೆತ್ತೊಲ್ ದ್ರಾವಣದಲ್ಲಿ  ಅದ್ದಿ ಶುಚಿ ಮಾಡುವುದು .ಆಮೇಲೆ ಇಂಜೆಕ್ಷನ್ ,ನಂತರ  ರೌಂಡ್ಸ್ ,ಇದರಲ್ಲಿ ಒಂದು  ಹಯರಾರ್ಕಿ ಇದೆ .ಪ್ರೊಫೆಸರ್  ನಂತರ ಅಸಿಸ್ಟೆಂಟ್ ಸ್,ಮತ್ತೆ ಪಿ ಜಿ ,ಲಾಸ್ಟ್ ಇಂಟರ್ನ್ .ಕೆಲಸ ಮಾಡಲು ಇಂಟರ್ನ್  ಬೈಗಳು ತಿನ್ನಲು ಇಂಟರ್ನ್ ಶ್ರೇಯಸ್ ಮಾತ್ರ ಹಿರಿಯರಿಗೆ .

ನಮ್ಮ ಸರ್ಜರಿ ಹೆಡ್ ಡಾ ಎಸ ಅರ್ ಕೌಲ್ ಗುಡ್ .ಮಿತ ಭಾಷಿ .ಮತ್ತು ಸಜ್ಜನ .ಒಳ್ಳೆಯ ಪ್ರಾಧ್ಯಾಪಕ ಮತ್ತು ಸರ್ಜನ್ .

ಕೆ ಎಂ ಸಿ ಹೌಸ್ ಸರ್ಜನ್ ಸಿ ನೆನಪುಗಳು

ಕೆ ಎಂ ಸಿ ಹುಬ್ಬಳ್ಳಿ ಯ ಇಂಟರ್ನ್ ಶಿಪ್ ದಿನಗಳು .ಮೆಡಿಕಲ್ ಓ ಪಿ ಡಿ ಯಾವತ್ತೂ 

ಭಾರೀ ರಶ್ .ಕೊನೆ ಕೊನೆಗೆ ಬಂದವರನ್ನು ಸರಿಯಾಗಿ ಪರೀಕ್ಷಿಸಲೂ ಸುಸ್ತು .

ಅದ್ದರಿಂದ ಸ್ತೆತೋಸ್ಕಾಪ್  ಎದೆಗೆ ಮುಟ್ಟಿಸಿ  ಬಿ ಕಾಂಪ್ಲೆಕ್ಸ್ ಇಂಜೆಕ್ಷನ್ ಬರೆದು 

ಸಾಗ ಹಾಕುವುದು . ಕೆಲವರು ಗಂಟು ನೋವು ಎಂದು ಬರುವರು .ಕೂಡಲೇ 

ಓ ಪಿ ಹಾಳೆಯಲ್ಲಿ ? ರುಮಾಟಿಕ್ ಫೀವರ್? ಬರೆದು ರಕ್ತ  ಪರೀಕ್ಷೆ  ಮಾಡಿ ಬರ್ರೀ 

ಎಂದು ಕಳುಹಿಸುತ್ತಿದ್ದೆವು. ಮರು ದಿನ  ಅದೇ ವ್ಯಕ್ತಿ  ಪೇಟೆ ಕೆಲಸ ಎಲ್ಲಾ ಮುಗಿಸಿ 

ಮಧ್ಯಾಹ್ನ  ಬಂದಾಗ ಬೇರೆ ಯೂನಿಟ್ ನ ಡಾಕ್ಟರ್ಸ್ .ಅವನ ಓ ಪಿ ಹಾಳೆ ನೋಡಿ 

ಏನೂ ಪರೀಕ್ಷೆ ಮಾಡದೆಯೇ  ನೋನ್ ಕೇಸ್ ಆಫ್ ರುಮಾಟಿಕ್  ಫಿವರ್  ಎಂದು 

ಬರೆದು  ಪೆನಿಸಿಲಿನ್ ಇಂಜೆಕ್ಷನ್ ತೆಗೆದು ಕೊಳ್ಳಲು ಇಂಜೆಕ್ಷನ್ ರೂಂ ಗೆ  ಸಾಗ 

ಹಾಕುತ್ತಿದ್ದರು .ಮುಂದೊಮ್ಮೆ ಆತ ಬಂದಾಗ  ಅವನ ಓ ಪಿ ಹಾಳೆಯಲ್ಲಿ  

ಓಲ್ಡ್ ಕೇಸ್ ಆಫ್ ರುಮಾಟಿಕ್ ಫೀವರ್ ಎಂದು ಬರೆಯುವರು .ಸುಮ್ಮನೆ ಮೈ ಕೈ 

ನೋವು ಇದ್ದವರು  ರುಮ್ಮಾಟಿಕ್ ಜ್ವರ ರೋಗಿಗಳಾಗುವರು .

   ಸರ್ಜರಿ  ಓ ಪಿ ಡಿ ಯಲ್ಲಿ  ಗಾಯಗಳಿಗೆ  ಡ್ರೆಸ್ಸಿಂಗ್ ಮಾಡಿಸಲು ಬಹಳ ಮಂದಿ 

ಬರುತ್ತಾರೆ ,ಅದರಲ್ಲಿ    ಅಲ್ಸರ್ - ಕ್ಲೀನ್ ಅಂಡ್ ಡ್ರೆಸ್ ಎಂದು ಗೀಚಿ  ಡ್ರೆಸ್ಸಿಂಗ್ 

ರೂಮಿಗೆ ಕಳು ಹಿಸುವುದು . ಒಮ್ಮೆ  ಪೆಪ್ತಿಕ್ ಅಲ್ಸರ್ (ಹೊಟ್ಟೆ ಹುಣ್ಣು ) ರೋಗಿಯ 


ಹಾಳೆಯಲ್ಲಿ  ಪೆಪ್ತಿಕ್  ಶಬ್ದ ಬಿಟ್ಟು ಹೋಗಿ  ವೈದ್ಯರೊಬ್ಬರು   ಅಲ್ಸರ್ - ಕ್ಲೀನ್ ಅಂಡ್ 

ಡ್ರೆಸ್ ಎಂದು  ಕಳುಸಿದ್ದೂ ಇದೆ .


ವಾರ್ಡ್ ನಲ್ಲಿ   ಓ ಡಿ ಎಂದರೆ  ದಿನಕ್ಕೆ ಒಂದು ಭಾರಿ   ಕೊಡುವ ಚುಚ್ಚು ಮದ್ದು 

ನಾವು ಹೌಸ್ ಸರ್ಜನ್ ಗಳು ಮತ್ತು  ಉಳಿದ ಇಂಜೆಕ್ಷನ್  ವಾರ್ಡ್ ಸಿಸ್ಟರ್ಸ್ 

ಕೊಡಬೇಕಿತ್ತು .ಅದಕ್ಕೆ  ಕೆಲವರು ಮರಿ ವೈದ್ಯರು ಅಡ್ಮಿಟ್ ಮಾಡುವಾಗ  

ಎಲ್ಲಾ ಇಂಜೆಕ್ಷನ್ ಗಳನ್ನೂ  ಬಿ ಡಿ(ದಿನಕ್ಕೆ ಎರಡು ಬಾರಿ) ಅಥವಾ ಟಿ ಐಡಿ ಎಂದು 

ಬರೆಯುತ್ತಿದ್ದರು.

 ಐಸೊಲೆಶನ್  ವಾರ್ಡ್ ಎಂಬುದು ಗಾಳಿ ಬೆಳಕು ಇಲ್ಲದ   ನೆಲ ಮಾಳಿಗೆಯಲ್ಲಿ 

ಇತ್ತು .ಇಲ್ಲಿ ಹಲವು ಸಾರಿ ರೋಗಿ ಮೃತ ಪಟ್ಟು  ಬಹಳ ಸಮಯದ ನಂತರ 

ರೋಗಿ  ಸೀರಿಯಸ್  ಮೇಲುಸಿರು ಬಿಡುತ್ತಿದ್ದಾರೆ ಎಂದು ನಮಗೆ ಕಾಲ್ ಬರುತ್ತಿತ್ತು 

ನಾವು ಹೋಗಿ ನೋಡಿದರೆ ರೋಗಿಗೆ ರೈಗರ್ ಮಾರ್ಟಿಸ್ ಎಂದರೆ  ಸತ್ತು  ಹಲವು 

ಗಂಟೆಗಳ ತರುವಾಯ ಆಗುವ ಮಾಂಸ ಖಂಡ ಗಳ  ಸೆಟೆತ ಆಗಿರುವುದು .ಇಲ್ಲಿ 

ಕೆಲವೊಮ್ಮೆ  ದೊಡ್ಡ ಸಿರಿಂಜ್ ನಲ್ಲಿ ಇಂಜೆಕ್ಷನ್  ಲೋಡ್ ಮಾಡಿ  ಒಬ್ಬೊಬ್ಬರಿಗೆ 

ಒಂದೊಂದು ಸಿ ಸಿ ಕೊಡುತ್ತಿದ್ದವರೂ ಇಲ್ಲದಿಲ್ಲ .ಆದರೂ ರೋಗಿಗಳು ಬದುಕಿ 

ಗುಣಮುಖರಾದರು .

ಹೌಸ್ ಸರ್ಜನ್ ಗಳ ಕೆಲಸ  ತುಂಬಿದ ಮನೆಯ ಗೃಹಿಣಿಯ  ಕೆಲಸಂತೆ 

ಮುಗಿಯುವುದು ಎಂದು ಇರಲಿಲ್ಲ .ರೋಗಿಯ  ರಕ್ತ ಲ್ಯಾಬ್ ಗೆ ಒಯ್ಯುವುದು 

ಬ್ಲಡ್ ಬ್ಯಾಂಕ್ ನಲ್ಲಿ  ರಕ್ತ ಬೇಡುವುದು ,ಕ್ರಾಸ್ ಮ್ಯಾಚಿಂಗ್ ಮಾಡುವುದು 

ಕ್ಷ ರೇ ರೂಂ ನಲ್ಲಿ  ಸ್ಕ್ರೀನಿಂಗ್ (ಲೈವ್ ಎಕ್ಷ ರೇ ) ಏನು ಉಂಟು ಏನು ಇಲ್ಲಾ .

ಆಸ್ಪತ್ರೆಯ ತಳ ಮಹಡಿಯಲ್ಲಿ ಒಂದು  ಸಾರ್ವಜನಿಕ ಲೈಬ್ರರಿ  ಇತ್ತು .ಬಾತ್ 

ರೂಮನ್ನ್ನು  ವಾಚನಾಲಯ  ಆಗಿ  ಪರಿವರ್ತಿಸಿದ್ದರು ,.ನನಗೆ ಅದು ಬಹಳ 

ಅನುಕೂಲ ಆಯಿತು .

ನಾವು ಇಂಟರ್ನ್ ಆಗಿದ್ದಾಗ ನರ ಗುಂದ ರೈತ ಬಂಡಾಯ ಆಯಿತು .ಉದ್ರಿಕ್ತ 

ರೈತರು ಸಿಕ್ಕಿದ ಪೋಲಿಸ್ ,ರೆವೆನ್ಯೂ ಅಧಿಕಾರಿಗಳನ್ನೆಲ್ಲ  ತದುಕಿ ಬಾವಿ ಕೆರೆಗಳಿಗೆ 

ಎಸೆದರು .ಆಸ್ಪತ್ರೆಯಲ್ಲಿ ಪೋಲಿಸಿನವರ  ತಲೆ ಬುರುಡೆ  ಓಪನ್ ಮಾಡಿದ್ದೇ

ಮಾಡಿದ್ದು .ಆಗ  ಸಿ ಟಿ ಸ್ಕ್ಯಾನ್ ಇರಲಿಲ್ಲ .ತಲೆ ಬುರುಡೆ ಓಪನ್ ಮಾಡುವ 

ಯಂತ್ರ ಗಳೂ ಇಲ್ಲ್ಲ ,ಉಳಿ ,ಮತ್ತು ಗರಗಸದಂತ  ಉಪಕರಣ ಬಳಸಿ ದಿನ ರಾತ್ರಿ 

ದುಡಿದೆವು . ಮೂಳೆ ತಜ್ಞರಿಗೂ ಬಿಡುವಿಲ್ಲ .

ಮಕ್ಕಳ ಸರ್ಜರಿ ಎಂಬ ವಿಭಾಗ ,ಇಲ್ಲಿ ಸಂಕೀರ್ಣ ಶಸ್ತ್ರ ಚಿಕಿತ್ಸೆಗಳು .ಆಪರೇಷನ್ 

ಆದ ಬಳಿಕ ನಾವು ಮಗುವಿನ  ಮೂತ್ರವನ್ನು ಅಳೆಯುವುದು ,ಆಗಾಗ ರಕ್ತ ದ 

ಲವಣಗಳ ಪರೀಕ್ಷೆಗಾಗಿ  ಲಾಬ್ ಗೆ ಓಡುವುದು .ಇಸ್ಟೆಲ್ಲಾ ಆದರೂ  ಬಹಳಷ್ಟು 

ಮಕ್ಕಳು ಸಾವನ್ನು ಆಪ್ಪುತ್ತಿದ್ದವು .ಆಗ ಆಪರೇಷನ್ ಮಾಡಿದ ಸರ್ಜನ್ ನಮ್ಮನ್ನು

ಬೈಯ್ಯುತ್ತಿದ್ದರು ,

ಇದನ್ನೆಲ್ಲಾ ಓದಿ ಮೆಡಿಕಲ್ ಕಾಲೇಜ್ ಆಸ್ಪತ್ರೆ ಚಿಕಿತ್ಸೆ ಅಪಾಯಕಾರಿ ಎಂದು 

ತಿಳಿಯಬೇಡಿ.ಆಗಿನ್ನೂ ಕೆ ಎಂ ಸಿ ಗೆ ಒಳ್ಳೆಯ ಹೆಸರು ಮತ್ತು  ಸೇವಾ ಮನೋಭಾವ 

ದ  ಅಧ್ಯಾಪಕ ವೃಂದ ಇತ್ತು .ಒಳ್ಳೆಯ ನರ್ಸಿಂಗ್ ಸ್ಟಾಫ್ ಇದ್ದರು .ಖ್ಯಾತ 

 ವೈದ್ಯ ಲೇಖಕ ಅತುಲ್ ಘವಂಡೆ ಅವರ ಪ್ರಸಿದ್ದ ಕೃತಿ  ಕಾಮ್ಪ್ಲಿಕೆಶನ್  ನಲ್ಲಿ 

ಕಲಿಯುವ ವೈದ್ಯರು ಇರುವ ಅಸ್ಪತ್ರೆಯ ಮರಣ ಪ್ರಮಾಣ  ಕೇವಲ ನುರಿತ 

ವೈದ್ಯರು ಸೇವೆ ಯಲ್ಲಿರುವ ಅಸ್ಪತ್ರೆಗಿಂತ ಕಮ್ಮಿ ಎಂದು ಕಂಡು ಹಿಡಿದಿರುವ 

ಅಧ್ಯಯನ  ವನ್ನು ಉಲ್ಲೇಖಿಸಿದ್ದಾರೆ .